Sidha Patra बिहिबार, पौष २३, २०७७

दाङ । देउखुरीको राप्ती गाउँपालिका भित्रमा लुम्बिनी प्रदेशको राजधानी घोषणा भएपछि गोरखा ग्रुपको पहिलो शिक्षा क्षेत्रमा लगानी भित्राएको छ ।

साविक राप्ती क्षेत्रमा शैक्षिक क्षेत्रको अगुवाई गरिरहेको गोरखा ग्रुपले प्रदेश राजधानीको केन्द्र पर्ने राप्ती गाउँपालिकाको लालमटियामा विद्यालय सञ्चालनका लागि काम सुरु गरेको हो । गोरखा ग्रुपलेले अहिले सञ्चालनमा रहेको दीप बोडिङ स्कूल किनेको छ र २ विगा जग्गा लिजमा लिएको छ । गोरखा ग्रुपका अध्यक्ष क्याप्टेन मानबहादुर बुढाले प्रारम्भिक चरणमा झण्डै २ करोड रुपैयाँ लगानी गरेको जानकारी दिनु भएको छ । उहाँले भन्नु भयो यो हाम्रो सुरुवात हो, यसलाई हामीले रणनीतिक लगानी भनेका छौं र यो पछि विस्तार हुन्छ ।”गोरखा ग्रुप मातहत दाङमै गोरखा इन्टरनेशनल पब्लिक स्कूल, गोरखा सेकेण्डरी स्कूल,तुलसपुर, गोरखा मोडेल स्कूल, भिक्टोरिया इन्टरनेशनल कलेज, गोरखा मोडेल कलेज, स्वर्णीम (गोरख)कलेज सञ्चालनमा छन् भने अन्य क्षेत्रमा समेत लगानी रहेको छ ।

यसअघि घोराही र तुलसीपुर तथा लमहीमा शैक्षिक क्षेत्रमा लगानी गरेको गोरखा ग्रुपले प्रदेश राजधानी घोषणासँगै देउखुरीको राप्ती गाउँपालिकामा लगानी भित्राएको हो । विद्यालय गोरखा ग्रुपकै व्यवस्थापनमा यसैबर्षदेखि सुरु हुने छ । अध्यक्ष बुढाले भन्नु भयो“अहिले ८ कक्षासँग विद्यालय सञ्चालन हुन्छ र बाँकीका लागि गृहकार्य तयारी गर्छौं ।” आफूहरुले भविष्यमा दक्ष जनशक्ति उत्पादनका लागि नमुना योग्य उच्च शिक्षा प्रदान गर्ने शैक्षिक संस्था सञ्चालनको योजना बनाएको अध्यक्ष बुढाको भनाई थियो । गत असोज १६ गते प्रदेश सभाले लुम्बिनी प्रदेशको राजधानी दाङको राप्ती गाउँपालिकालाई केन्द्रमा राखेर राप्ती, गढवा र अर्घाखाँचीको शीतगंगा गाउँपालिकालाई जोडेर प्रदेश राजधानी बनाउने निर्णय गरेको थियो । गोरखा ग्रुपले विद्यालय सञ्चालन गर्न थालेको ठाउँ भालुवाङदेखि २ किलोमिटर पश्चिममा पर्छ ।

हाम्रो टीम

संचालक: मेगमन बुढा
संपादक:कृष्ण जि.एम
निर्देशक:भानु जोशी
क्राईमबिट प्रमुख:सागर थापा
जिल्ला ब्युरो:टेकबहादुर पुन
प्रमुख सम्बाददाताहरु:शिवराज पन्थी,सुशीला (ओली)गिरी,जयप्रकाश पौडेल
सम्बाददाताहरु:टोपेन्द्र खनाल,इराधा झाक्री मगर,शिव बस्नेत,प्राविधिक: मिना थापा,सल्लाहकारहरु:बिपुल पोख्रेल,उदय जि.एम

सामाजिक संजाल

सम्पर्क

एम.बि.के.एन मिडिया प्रा.लिद्वारा संचालित सिधापत्र डटकम
# दर्ता नं. :– २४५९/०७७-०७८
#कम्पनी दर्ता नम्बर:- २४५५०७
# ठेगाना :- राजपुर गा.पा-२ दाङ,लुम्बिनी प्रदेश नेपाल
# सम्पर्क : – ९८५७८४०५१७
# बिज्ञापन : – ९८४९८८७५१४
# इमेल :- [email protected]