Shivsabari

Ggp3

Lnp3

Lnp2

Ggp5

Ggp2

Ggp4

Ggp6

Lnp-8

Lnp1

Ggp1

Lnp5

Lnp9

दाङ । मानव कल्याण तथा वातावरण संरक्षण केन्द्र दाङको आयोजना र युएसएआईडि को सहयोगमा देउखुरीको गढवामा जलवायू परिवर्तन, यसको अनूकुलन र परिवर्तनले जैविक बिविधतामा पारेको असरका बारेमा छलफल गरिएको छ ।

गढवा गाउँपालिका वडा नम्बर ६ का वडा अध्यक्षको अध्भ्यक्षतामा कार्यक्रम गरिएको हो । कार्यक्रममा बोल्दै वडा अध्यक्ष आलेले जलवायू परिवर्तनले सिंगो मानव समाज,जिवजन्तु र पर्यावरणमै असर पारेको र त्यसमा मानव समूदायकै हात रहेको बताए । मानव सिर्जीत कृयाकलापहरुबाट नै जलवायु परिवर्तन भैरहेको हुँदा जैविक विविधता संरक्षण गरि अनूकूल वातावरण निर्माण गर्न र पर्यावरणीय सन्तुलन ल्याउन हामी सबै मानवजाती र सरकारका निकायहरु एक भएर लाग्नुपर्ने वेला आएको उनले बताए ।

त्यस्तै जल–जंगल कार्यक्रम अन्तर्गत प्रकृतिमाथी दोहन भैरहेको र यसको संरक्षणमा हामी मानव जाती गंभिर हुनुपर्ने वेला आएको कार्यक्रममा बताईएको छ । कार्यक्रममा मानव कल्याण तथा वातावरण संरक्षण केन्द्र दाङका पूर्व अध्यक्ष तथा सामाजिक अभियन्ता कमल गौतम र पर्यावरण विज्ञ सुधिर गोपाल आचार्यले जलवायु परिवर्तन र यसले प्राणि जगतमा निम्त्याएको संकट, अनूकूलनका उपायहरु र जैविक विविधताको संरक्षण सम्वद्र्धनमा मानविय दायित्वका बारेमा सहभागिहरुलाई प्रशिक्षण दिएका थिए ।

कार्यक्रममा वडा सदस्य दिनमणी आचार्य,देउखुरी सामुदायिक पुस्तकालयका अध्यक्ष ओभा पाठक, रेडक्रसका युवराज आचार्य, पत्रकार दुखहरण यादव, चिन्तामणि पोख्रेल र पुर्व कार्यपालिकाका सदस्य मनिषा चौधरी कुमाल लगायतले बोलेका थिए । कार्यक्रमको सहजिकरण मानव कल्याणका सरस्वती सुवेदीले गरेकी थिइन् ।