Pvg

Wsp

Sbs

Bbu

Ggd

Hal

Tsm

Sls

Bbbpu

Ksm

Rgs

Rsb

nsb

Ssm

Rgu

Asm

Vor

Gst

Rgu

Syp

Ptm

Jmb

Gsb

bbt

Jmb

sab

Abd

Pls

Mks

Rpp

Rmb

Bml

दाङ । विश्व वातावरण दिवसको अवसरमा देउखुरीको राप्ती गाउँपालिका वडा नम्बर २ कठाहामा अठार सय बढी वृक्षारोपण गरिएको छ ।

राप्ती गाउँपालिकाकाे आयोजना तथा सव डिभिजन वन कार्यालय गढवाको सहयोगमा राप्ती नदीकाे तटिय क्षेत्रमा रहेको करिब २ हेक्टर सार्वजनिक जग्गामा बिरुवा रोपण गरिएको हो।

मौवा,जामुन,सिसाै,खयर,बकाइनाे,काेईरालाे सित्तलचिनी, गुल्मोहर,निलमर लगायत विभिन्न प्रजातिका बिरुवाहरु रोपिएको गाउँपालिकाका वन प्राविधिक बिपिन भुसालले जानकारी दिए ।

उक्त क्षेत्रमा रहेको करिब २० हेक्टर जग्गालाई सार्वजनिक वन बनाउने उदेश्यले विभिन्न प्रजातिका २२ हजार बिरुवा राेप्ने तयारी समेत गरिएको प्राविधिक भुसालले बताए ।

वृक्षारोपण कार्यक्रममा राप्ती गाउँपालिकाका अध्यक्ष प्रकाश विष्ट,उपाध्यक्ष कमलापती चाैधरी,प्रमुख प्रशासकीय अधिकृत नेब बहादुर ओली,पालिकाका प्रवक्ता तथा वडा नम्बर २ का वडा अध्यक्ष पहलवान चाैधरी,वडाका नम्बर ५ का वडा अध्यक्ष देव प्रसाद चाैधरी,सामाजिक अभियान्ता बसन्तराज शर्मा, सार्वजनिक वन उपभोक्त समूहका अध्यक्ष अशाेक चाैधरी,पालिकाका कर्मचारी,वन उपभोक्त समूहका पदाधिकारी तथा स्थानीय बासिन्दाहरुकाे सहभागिता रहेको थियो ।

साे अवसरमा बाेल्दै गाउँपालिका अध्यक्ष प्रकाश विष्टले पालिकाका विभिन्न ठाउँमा रहेका सार्वजनिक जग्गालाई हरियाली बनाउने उद्देश्यले बिरुवा रोपिएको बताए । वातावरण संरक्षण र दिगो विकासमा सबैको सामूहिक सहभागीता हुनुपर्ने अध्यक्ष विष्टको भनाइ रहेको छ ।

त्यस्तै अध्यक्ष विष्टले वातावरण संरक्षणबिना मानवजातीको समेत संरक्षण हुन नसक्ने बताउँदै विश्वव्यापी रुपमा भैरहेको वातावरण विनासले मानवजाती माथि नै संकट सृजना भएको बताए । वन कार्यालयले बिरुवा सहयोग गरेपछि वृक्षारोपण सहज भएको बताउँदै कार्यक्रममा सहभागी सबैप्रति अध्यक्ष विष्टले अभार व्यक्त गरेका छन् ।