दाङ । गढवा गाउँपालिका वडानम्बर ६ को आर्थिक सहयोग,पतन्जली योग समिती गढवाको आयोजना र महिला पतन्जली योग समिती दाङको प्राविधिक सहयोगमा दाङको गढवामा ३६ दिने योग शिक्षक प्रशिक्षण तालिम सुरु भएको छ ।
पतन्जली योग समिति गढवाका अध्यक्ष रामनरेश यादवको अध्यक्षतामा सुरु भएको तालिमको उद्घाटन गढवा गाउँपालिकाका अध्यक्ष यमनारायण पोख्रेलले गरेका हुन् । कार्यक्रममा बोल्दै अध्यक्ष पोख्रेलले शारीरिक ब्यायाम,ध्यान र प्रणायाम माबव स्वास्थ्यको समृद्दिका आधार भएको बताउदै प्रशिक्षक उत्पादन गरि पालिकाका सबै वडाहरुमा योग शिविर सन्चालन गर्ने लक्ष्य रहेको बताए । नियमित योग सन्चालनका लागि स्थानिय सरकारको तर्फबाट सक्दो सहयोग गर्ने उनले बताए ।
कार्यक्रममा गढवा गाउँपालिका वडा नम्बर ६ का वडा अध्यक्ष बिरबहादुर आले मगर, महिला पतन्जली योग समिती दाङका अध्यक्ष साहाना श्रेष्ठ ,गढवा उद्द्योग बाणिज्य संघका अध्यक्ष ओम प्रकाश बसेल,जनता माबी गढवाका अध्यक्ष गणेश कुमाल र गढवा गाउँपालिका महिला तथा वालवालिका शाखाका प्रमुख प्रेरणा चन्द लगायतले बोलेका थिए । मधा न्यौपानेको स्वागत मन्तब्य बाट सुरु भएको कार्यक्रमको सन्चालन पत्रकार शिवराज पन्थिले गरेका थिए ।