दाङ । देउखुरीको लमहीमा मोटरसाइकल दुर्घटना हुँदा एक जनाकाे मृत्यु भएको छ । मृत्यु हुनेमा लमही नगरपालिका वडा नम्बर ७ बन घुस्री निवासी ४३ वर्षिय महेन्द्र गिरी रहेको ईलाका प्रहरी कार्यालय अमिलियाले जनाएको छ ।
मंगलबार राति दश बजेको समयमा पुर्व-पश्चिम् महेन्द्र राजमार्ग अन्तरगत बनघ्रुसीमा राेकिएकाे लु १ ख ९५७० नम्बरको ट्रकसंग पश्चिमबाट घरतर्फ जाँदै गरेको प्रदेश ३-०२००९ प ९८५८ नम्बर माेटरसाइकल ठाेक्किदा गम्भीर घाइते भएका गिरीको लमही अस्पतालमा उपचार गर्ने क्रममा मृत्युु भएको हो ।
त्यस्तै ट्रक राजमार्गमा राेकिएर राख्दा उक्त दुर्घटना भएको प्रहरीले जनाएको छ । शवलाई अहिले पाेष्टमार्टमकाे लागि लमही अस्पतालमा राखिएको छ भने ट्रक र चालकलाई प्रहरीले नियन्त्रणमा लिएर घटना सम्बन्धि अनुसन्धान गरिरहेको छ ।