दाङ । अखिल क्रान्तिकारी देउखुरी जिल्लाको २६ औं जिल्ला सम्मेलन भव्यसभ्यका साथ बुधबार सम्पन्न भएको छ ।

समता सिको अध्यक्षता तथा नेकपा पार्टीका केन्द्रीय कमिटी सदस्य तथा सिसिएम देउखुरी (इन्चार्ज) बिक्रम सिको प्रमुख आतिथ्यतामा सम्पन्न भएको सम्मेलन कार्यक्रमले ३५ जनाको जिल्ला कार्यसमिति गठन गरेको छ ।

जसको अध्यक्षमा समता सि,उपाध्यक्षमा शिव जंग सि,सचिवमा सुशील सि,सहसचिवमा दामोदर सि,कोषाध्यक्षमा ठाकुर सि लगायत ३५ जनाको जिल्ला कार्यसमिति गठन गरिएको नेकपाका लमही नगर इन्चार्ज मुक्ति सिले जानकारी दिनु भयो ।

उक्त जिल्ला कार्यसमिति गठन पस्च्यात कार्यक्रममा प्रमुख अतिथि बिक्रम सिले नव निर्वाचित पदाधिकारीलाई बधाई दिदै समाजवादमा जाने लक्ष्य र उदेश्य तथा त्यसको कार्यनयनको बारेमा प्रशिक्षण सहितको आफ्नो शुभकामना मन्तव्य व्यक्त गर्नु भएको थियो ।

संगठन परिचालन र संगठन कार्यनीतिको बारेमा अखिल क्रान्तिकारीका केन्द्रीय कोषाध्यक्ष प्रतिमा सिले प्रशिक्षण दिनु भएको थियो । त्यस्तै सो जिल्ला सम्मेलन कार्यक्रममा अखिल क्रान्तिकारीका केन्द्रीय सदस्य तथा पश्चिम् लुम्बिनी प्रदेश ब्युरो इन्चार्ज गगन सिले प्रस्ताव प्यान प्रस्तुत गर्नु भएको थियो भने नेकपा देउखुरी जिल्ला सेक्रेटरी अल्फा सिले नव निर्वाचित पदाधिकारीलाई बधाई मन्तव्य व्यक्त गर्नु भएको थियो ।

विभिन्न जनवर्गीय संगठनका जिल्ला पदाधिकारीको सहभागी रहेको कार्यक्रमलाई नव निर्वाचित समता सिले आफ्नो प्रतिबद्धता सहितको मन्तव्यका साथ समापन गर्नु भएको थियो ।