१८ चैत्र २०८२, बुधबार
Jsbr-3
Msbg-2
Usbl-7
Gsbr-6
Rksr-7
ksbl-7
Pbu
Csbg-7
Gsbg-3
Jsbg-7
Sidha Patra शनिबार, माघ १३, २०८०
दाङ । नेकपा माओवादी केन्द्रका केन्द्रीय सदस्य तथा लुम्बिनी प्रदेशका अर्थमन्त्री धनबहादुर मास्की (राजेश)ले वामपन्थी शक्तिहरू एकजुट हुनुपर्ने बताउनु भएको छ ।
बबई गाउँपालिकाको समाजवादी मोर्चा घोषणा कार्यक्रममा उनले वामपन्थी शक्तिहरू एकजुट भएमा मुलुक समृद्धिको मार्ग मा अगाडि बढ्ने बताउनु भएको हो । वामपन्थी शक्तिहरू एकजुट भएमा मात्रै मुलुकमा समाजवाद ल्याउन सकिने उनको भनाइ थियो। उनले ढिलो चाँडो इमान्दार वामपन्थी शक्तिहरू एकजुट हुने समेत बताउनु भएको छ।
मुलुकमा ६५ प्रतिशत कम्युनिष्ट रहेको भन्दै समाजवाद पग्न ती शक्तिहरूबीच एकता आवश्यक रहेको बताउनु भयो ।
त्यस्तै बबईमा माओवादी केन्द्रका बबई गाउँपालिका अध्यक्ष एकलाल घर्तीको अध्यक्षतामा समाजवादी मोर्चा घोषणा गरिएको छ। शनिबार ९ सदस्य समाजवादी मोर्चा घोषणा गरिएको हो । त्यस अवसरमा समाजवादी मोर्चाका नेताहरूले मन्तव्य व्यक्त गरेका थिए।
