Bbu

Wsp

Rgs

Ssm

nsb

Ksm

Hal

Vor

Sls

Ggd

Gst

Tsm

Rgu

Asm

Rsb

Rgu

Sbs

Pvg

Bbbpu

Gsb

Jmb

bbt

sab

Jmb

Ptm

Syp

Rmb

Pls

Bml

Rpp

Abd

Mks

काठमाडौं । सर्वोच्च अदालतले नेपालगञ्जका रिगल भनिने योगराज ढकालको कैद मिनाहा विरुद्ध परेको रिटमा कारण देखाउ आदेश जारी गरेको छ ।

सरकारले संविधान दिवसको दिन श्रीमान चेतन मानन्धरको हत्या गर्ने रिगलको कैद मिनाहा गर्ने निर्णय गरेपछि श्रीमती भारती मानन्धरले सर्वोच्चमा रिट दायर गरेकी थिइन् । सोही रिटउपर सुनुवाई गर्दै आज सर्वोच्चका न्यायाधीश मनोजकुमार शर्माले सरकारलाई लिखित जवाफ पेश गर्न सात दिनको समय दिएका छन् । रिटको अर्को सुनुवाईको पेशी असोज २५ गतेलाई तोक्न पनि आदेश दिइएको छ ।

त्यस्तै भारती मानन्धरले श्रीमान्को हात्यारा रिगलको कैद मिनाहा गर्न गरिएका सबै सिफरिस तथा निर्णयहरु खारेज हुनुपर्ने र रिगललाई फेरि थुनामा पठाउनुपर्ने माग राख्दै रिट दर्ता गरेकी थिइन् । उनी रिले अनसनमा समेत बसेकी छिन् ।

असोज ३ गते संविधान दिवसका दिन सरकारको सिफारिसमा राष्ट्रपति रामचन्द्र पौडेलले ७५ कारागारमा कैद सजाय काटिरहेका ६७० जना कैदीको माफी मिनाहा गरेका थिए । जस मध्ये नेपालगंजका रिगल भनिने योगराज ढकालले २०७२ साल असार २८ गते नेपालगञ्जका चेतन मानन्धरको खुँडा प्रहार गरि हत्या गरेका थिए । चेतनको हत्या गर्दा रिगल तरुण दल बाँके ३ का सभापति थिए ।

हत्या गरेर फरार भएका रिगललाई २०७६ वैशाखमा जिल्ला अदालत बाँकेका न्यायाधीश विष्णु सुवेदीले सर्वस्वसहित जन्मकैदको सजाय सुनाएका थिए । रिगलले २०८० भदौ सम्म ४० प्रतिशत मात्रै सजाय भुक्तानी गरेका थिए । असल चालचलन भएको भन्दै संविधान दिवसका दिन नेपाल सरकारको सिफारिसमा राष्ट्रपति रामचन्द्र पौडेलले ६० प्रतिशत कैद मिनाहा गरेका थिए ।