काठमाडौं । भारतको ओडिशास्थित गञ्जम जिल्लामा बस दुर्घटना हुँदा कम्तीमा ११ जनाको मृत्यु भएको छ ।
दुर्घटनामा परी आठ जना यात्रु गम्भीर घाइते भएका छन् । घाइतेहरूलाई ओडिशाको बेरहमपुरस्थित एमकेसीजी मेडिकल कलेजमा भर्ना गरिएको छ । ओडिशाका मुख्यमन्त्रीले बस दुर्घटनामा परी ज्यान गुमाउनेप्रति गहिरो दुःख व्यक्त गरेका छन् ।
त्यस्तै समाचार एजेन्सी एएनआईका अनुसार मुख्यमन्त्रीले मृतकका परिवारलाई ३-३ लाख रुपैयाँ क्षतिपूर्ति दिने घोषणा पनि गरेका छन् । ओडिशा स्टेट रोड ट्रान्सपोर्ट कर्पोरेशनको बस र निजी बस एक आपसमा ठोक्किँदा उक्त दुर्घटना भएको बताइएको छ । मृत्यु हुनेमा अधिकांश निजी बसका यात्रु रहेका छन् ।