दाङ । देउखुरीको कोईलाबास नाकामा अत्यधिक गर्मीका कारण पानी सकिएपछि शनिबार गढवा गाउँपालिकाको दमकलमा पानी भरेर वितरण गरिएको छ ।
कोइलाबासमा पानी सकिएको थाहा पाएपछि आज बिहानै गढवा गाउँपालिका अध्यक्ष यमनारायण शर्मा पोख्रेल,वडा नम्बर ५ का वडाध्यक्ष लेख बहादुर थापा, प्रशासन शाखा प्रमुख पुनाराम शर्मा गरि पालिका कर्मचारी दिनभरी टनटलापुर्ण घाममा दिनभर कोइलाबासमा पानी वितरण गरिएको हो ।
त्यस्तै कोइलाबासमा रहेको सरकारी,गैरसरकारी संघ संस्था तथा स्थानीयहरुको घरघरमा पुगेर पानी वितरण गरिएको छ । यो प्रक्रिया पानीको व्यवस्थापन नहुँदासम्म निरन्तर चालिरहने गाउँपालिका अध्यक्ष यमनारायण शर्मा पोख्रेलले जानकारी दिनु भएको छ ।