दाङ । राष्ट्रिय स्वतन्त्र पार्टीले लमही नगर कमिटी विस्तार गरेको छ । शिवलाल भण्डारीको सभापतित्वमा ३६ सदस्यीय लमही नगर कमिटी विस्तार गरेको राष्ट्रिय स्वतन्त्र पार्टी लुम्बिनी प्रदेश सभापति देवराज पाठकले जानकारी दिनु भयो ।

त्यस्तै सभापति पाठकका अनुशार पछिल्लो समय यता स्वतन्त्र पार्टीमा आउनेहरुको संख्या बढेको छ । स्वतस्फुर्त रुपले पार्टीलाई समर्थन गरेको पनि उहाँको भनाई छ ।

जसको उपसभापतिमा मीना पाण्डे, कोषाध्यक्षमा देवीप्रसाद बन्जाडे, सचिवमा अभिषेक पोख्रेल चयन हुनु भएको छ भने अन्य व्यक्तिहरु सदस्यमा चयन हुनु भएको छ । त्यस्तै आज लमहीमा सम्पन्न भएको भेलाले बाबुराम खनालको संयोजकत्वमा ९ सदस्यीय र्यापिड समिति पनि गठन गरेको छ ।

आगामी वैशाख १० गते चितवनमा हुन् लागेको उपनिर्वाचनमा स्वतन्त्र पार्टीका उम्मेदवार रवी लामिछानेलाई जिताउनका लागि प्रचार प्रसार टिम बनाउने र चितवन जाने समेत निर्णय भएको छ ।