मेगमन बुढा मंगलबार, भाद्र ०२, २०७७

दिगो तथा मर्यादित सामाजिक,आर्थिक सशक्तीकरण कार्यक्रम सिड्स भन्ने मुल नाराको साथमा तिजको अवसर पारेर महिला हिंसा अन्त्यका लागि सडक नाटक तथा तिज विशेष कार्यक्रम सोमबार दाङ,देउखुरीको राजपुर गाउँपालिका वडा नम्बर ६ रामनगरमा सम्पन्न भएको छ । मानव कल्याण तथा वातावरण संरक्षण केन्द्र सिड्स कार्यक्रमको सहयोग तथा कोशेली ग्रेजुयट फोरम रामनगर चेतना साथी संजालको आयोजनामा सम्पन्न भएको उक्त कार्यक्रममा विभिन्न नृत्य तथा जनचेतनामूलक सडक नाटक समेत प्रदर्शन भएको थियो ।खयर भट्टी तथा रामनगर टोल सुधार समितिका अध्यक्ष नुमलाल सुनारको अध्यक्षता तथा राजपुर गाउँपालिका उपाध्यक्ष एवं न्याय समितिका संयोजक धनपती देवी यादवको प्रमुख आतिथ्यतामा सम्पन्न भएको सो कार्यक्रममा प्रमुख अतिथि यादवले सडक नाटक द्वारा आफ्नो गाउँ-घरमा घट्ने यथार्थ घटनालाई देखाएर जनचेतना फैलाउने कार्यले पनि धेरै प्रभाव पार्ने बताउनु भएको हो । त्यस्तै उहाँले अहिले समाजमा पुरानै लोकारित नै बढी रहेको हुँदा अब नयाँ धारलाई अंगालदै नयाँ परिवर्तनको मोडमा समाजलाई ढाल्न सबैजनाले यसैगरी टोल,बस्तीबाटै सरुवा गर्नु पर्नेमा जोड दिनु भएको थियो । यादवले आफू एउटा गाउँपालिकाको न्यायक समितिको संयोजक समेत भएको हुँदा कुनैपनि नागरिक अन्यायमा नपर्ने र आफ्नो तर्फबाट न्याय दिलाउनको लागि खुलेर सहयोग गर्ने बताउनु भयो । त्यसैगरी उहाँले स्वदेश तथा विदेशमा रहनु भएका सम्पुर्ण नेपाली महिला दिदीबहिनीहरुलाई आउदै गरेको तिज पर्व हार्दिक मंगलमय शुभकामना व्यक्त गर्दै देशमा अहिले महामारी कोरोना भाइरस कोभिड उन्नाइसको संक्रमण रहेको हुँदा सबैले आफ्नो स्थानमा सामाजिक दुरि कायम गरेर तिज पर्वलाई मनाउन आग्रह गर्नु भएको छ ।

संजालका सदस्य निर्मला सुनारको स्वागत मन्तव्यबाट संचालन भएको कार्यक्रममा मानव कल्याण तथा वातावरण संरक्षण सिड्स कार्यक्रमका अनुगमन तथा मुल्यांकन अधिकृत सहदेव यादव,पत्रकार मेगमन बुढा लगायतलाले शुभकामना मन्तव्य व्यक्त गर्नु भएको थियो । त्यस्तै सो कार्यक्रममा आउने सम्पुर्ण अतिथि पाहुनालाई हार्दिक धन्यवाद समाजसेवी एवं बुद्धिजीवी जित कुमार घर्ती मगरले दिनु भएको थियो भने सो कार्यक्रमको संचालन कोशेली ग्रेजुयट फोरम रामनगर चेतना साथी संजालका एनिमेटर अनु बस्नेतले गर्नु भएको थियो ।

हाम्रो टीम

संचालक: मेगमन बुढा
संपादक:कृष्ण जि.एम
निर्देशक:भानु जोशी
क्राईमबिट प्रमुख:सागर थापा
जिल्ला ब्युरो:टेकबहादुर पुन
प्रमुख सम्बाददाताहरु:शिवराज पन्थी,सुशीला (ओली)गिरी,जयप्रकाश पौडेल
सम्बाददाताहरु:टोपेन्द्र खनाल,इराधा झाक्री मगर,शिव बस्नेत,प्राविधिक: मिना थापा,सल्लाहकारहरु:बिपुल पोख्रेल,उदय जि.एम

सामाजिक संजाल

सम्पर्क

एम.बि.के.एन मिडिया प्रा.लिद्वारा संचालित सिधापत्र डटकम
# दर्ता नं. :– २४५९/०७७-०७८
#कम्पनी दर्ता नम्बर:- २४५५०७
# ठेगाना :- राजपुर गा.पा-२ दाङ,लुम्बिनी प्रदेश नेपाल
# सम्पर्क : – ९८५७८४०५१७
# बिज्ञापन : – ९८४९८८७५१४
# इमेल :- [email protected]