mmsb

mbd

nakb

Rgs

Rms

Jmg

tvs

apb

दाङ । देउखुरीको राजपुर गाउँपालिकाको प्रशासनिक कार्यालय भवन पायक पर्ने ठाउँमा राख्नुपर्ने माग राख्दै वडा नम्बर ५,६ र ७ द्वारा गठित संघर्ष समितिले राजपुर गाउँपालिकालाई सोमबार ज्ञापन-पत्र हस्तान्तरण गरेको छ ।

संघर्ष समितिका संयोजक पूर्णबहादुर चौधरी,भोगेन्द्र सिंह राजपुत,घनश्याम चौधरी लगायतको नेतृत्वमा गाउँपालिका अध्यक्ष शरद कुमार बुढाथोकी र प्रमुख प्रशासकीय अधिकृत चन्द्रकान्त पौडेललाई गाउँपालिकाको कार्यालयमा पुगेर ३ सय जनाको हस्ताक्षर भएको ज्ञापन-पत्र बुझाएको हो ।

त्यस्तै समितिले ज्ञापन-पत्र मार्फत बुझाइएको मागको विषयमा छलफल नगरी कुनै माग सुनुवाइ नभएको खण्डमा पुरै ३ वटै वडाबाट आम नागरिकलाई आन्दोलनमा उतार्ने र चर्को आन्दोलन गर्ने बताएको छ । आफुहरुले जबर्जस्तीले नभएर सहमतिको आधारमा व्यापक छलफल गरि ज्ञापन-पत्र बुझाएको भोगेन्द्र सिंह राजपुतले जानकारी दिए ।

राजपुतका अनुसार समितिको माग सके गंगदीमा नसके सबैलाई पायक पर्ने बैंक,बजार लगायत सम्पूर्ण सेवा सुविधा युक्त स्थान वडा नम्बर ५ को जंग्रहवा भएको हुँदा जंग्रहवामै गाउँपालिकाको प्रशासनिक कार्यालय भवन राख्नु पर्ने जोड दिइएको बताएका छन् ।

यता राजपुर गाउँपालिका अध्यक्ष शरद कुमार बुढाथोकीले गाउँपालिकाको प्रशासनिक कार्यालय भवन र प्रन्ध्र सैया अस्पतालको विषयमा आफुले गाउँ सभामा प्रस्ताव राख्दा सभा सदस्यहरुले सर्वसम्मत रुपमा दुलैयामा गाउँपालिका र गंगदीमा अस्पताल राख्ने भनि निर्णय गरेको बताए ।

त्यस्तै उनले भने यसैगरी एउटै विषयमा बारम्बार अल्झिरहे राजपुरको विकासमा कहिले परिवर्तन नआउने भएको हुँदा सम्बन्धित सरोकारवाला निकायलाई समग्र गाउँपालिकाको विकासमा टेवा पुग्ने गरि सहयोग गर्न आग्रह गरेका छन् । हेर्नुहोस ज्ञापन-पत्र