Sidha Patra सोमबार, साउन ०५, २०७७

दाङ । चोरीका मोटरसाइकल बिक्री गर्दै आएको गिरोहका लागि यातायात व्यवस्था कार्यालयकै कर्मचारीको मिलेमतोमा नक्कली ब्लु बुक बन्ने गरेको पाइएको छ । जिल्ला प्रहरी कार्यालय दाङका अनुसार चोरीका मोटरसाइकल बिक्री गर्ने गिरोहका लागि यातायात व्यवस्था कार्यालय दाङका कर्मचारीले नक्कली ब्लु बुक उपलब्ध गराउने गरेका थिए ।

विशेष सूचनाको आधारमा जिल्ला प्रहरी कार्यालय दाङले चलाएको एउटा अपरेशनमा नक्कली ब्लु बुक बनाएर चोरीका मोटर साइकल बिक्री गर्ने १९ जनालाई पक्राउ गरेको छ ।पक्राउ पर्नेमा यातायात व्यवस्था कार्यालय दाङका कार्यलय सहयोगी ४८ वर्षीय कृष्ण वली रहेका छन् । उनी संग पक्राउ पर्ने अन्यमा दाङको तुलसीपुर उपमहानगर पालिका वडा नम्बर ६ का २१ वर्षीय अब्दुल हफिस सिद्धिकी,चक्रबहादुर वली,जीवन पोखरेल,विष्णु घिमिरे लगायतका छन् । प्रहरीका अनुसार पक्राउ परेका सिद्धिकी, वली,पोखरेल तथा घिमिरेबाट यातायात व्यवस्था कार्यालय दाङ लेखेको छाप,शाखा अधिकृतको छाप,विभिन्न व्यक्तिहरुको नागरिकताको प्रमाण पत्रको प्रतिलिपि लगायतका कागजपत्र बरामद गरिएको छ ।

त्यस्तै,चोरीका १० वटा मोटरसाइकल सहित १४ जनालाई पनि प्रहरीले पक्राउ गरेर आइतबार पत्रकार सम्मेलन मार्फत सार्वजनिक गरेको हो । जसमा पक्राउ पर्नेहरुमा घोराही १३ का सन्जय परियार घोराही १४ का समीर सुनार,सुवास सार्की,केन्द्रबहादुर डाँगी,घोराही १६ का सागर हमाल र घोराही १७ का निरज योगि रहेका छन् । त्यसैगरी लमही ७ का धनिराम चौधरी,हेमन्त गिरी,पाल्टुराम चौधरी,प्रकाश चौधरी,राजपुर २ का रविप्रताब बुढा,राजकुमार यादव,प्रीयतम चौधरी र आयोजक चौधरी चोरी गरेको मोटरसाइकल सहित पक्राउ परेका हुन् ।उनिहरु विभिन्न स्थानबाट मोटरसाइकल चोरी गर्ने र नम्बर प्लेट परिवर्तन गरेर बेच्ने समेत गर्दै आएको खुलेको प्रहरी प्रमुख एसपी गणेश चन्दले जानकारी गराउनु भएको हो ।

हाम्रो टीम

संचालक: मेगमन बुढा
संपादक:कृष्ण जि.एम
निर्देशक:भानु जोशी
क्राईमबिट प्रमुख:सागर थापा
जिल्ला ब्युरो:टेकबहादुर पुन
प्रमुख सम्बाददाताहरु: शिवराज पन्थी,सुशीला (ओली) गिरी,जयप्रकाश पौडेल,सम्बाददाताहरु: टोपेन्द्र खनाल, इराधा झाक्री मगर,शिव बस्नेत,सल्लाहकारहरु:बिपुल पोख्रेल,उदय जि.एम
कानुनी सल्लाहकार:वरिष्ठ अधिवक्ता रेवतीरमण भट्टराई

सामाजिक संजाल

सम्पर्क

एम.बि.के.एन मिडिया प्रा.लिद्वारा संचालित सिधा-पत्र डटकम
# दर्ता नं. :– २४५९/०७७-०७८
#कम्पनी दर्ता नम्बर:- २४५५०७
# ठेगाना :- राजपुर गा.पा-२ दाङ,लुम्बिनी प्रदेश नेपाल
# सम्पर्क : – ९८५७८४०५१७
# बिज्ञापन : – ९८०९५६३२३६
# इमेल :- [email protected]