पाल्पा। पाल्पाको बल्ढेङगढीमा बस दुर्घटना हुँदा दुई जनाको मृत्यु भएको छ । जिल्लाको रैनादेवी छहरा गाउँपालिका वडा नम्बर ६ बल्ढेङगढीमा भएको बस दुर्घटनामा परि एक बालक सहित दुइ जनाको मृत्यु भएको पाल्पा प्रहरीले जनाएको छ ।
त्यस्तै बस दुर्घटनामा परि गाडी मालिक अन्दाजी ४० वर्षीय विजय सारू र ८ वर्षका एक बालको ज्यान गएको बताइएको छ । बालको परिचय खुल्न सकेको छैन । शुक्रबार दिउँसो लु १ ब ४९०२ नम्बरको बस पानीडाँडाबाट जुठातर्फ जाँदै गर्दा बस दुर्घटनामा परेको बल्ढेङगढी प्रहरी चौकीले जनाएको छ । प्रहरी चौकी बल्ढेङगढीका प्रमुख शिव कुमार यादवले बस दुर्घटनामा परेको पुष्टी गदै ६ जनालाई उपचारको लागि मिसन अस्पताल पठाइएको जानकारी दिनु भयो ।
यस्तै दुर्घटनाका घाईतेको स्थानीय र बल्ढेङगढी प्रहरी चौकीका प्रहरीले उद्धार गरेका थिए । घटना बारे थप अनुशन्धानको लागि जिल्लाबाट थप प्रहरी टोलि परिचालन गरिएको छ ।कामनाडेलि