Ssb

Usb

Hl1

Tsb

Gsb

Rgu

ptl

Nps

दाङ । दाङमा भोलीदेखि टाइफाईड विरुद्धको खोप अभियान सञ्चालन हुने भएको छ । भोलीदेखि सञ्चालन हुने खोप अभियान वैशाख ११ गतेसम्म जारि रहने स्वास्थ्य कार्यालय दाङले जानकारी दिएको हो ।

आज पत्रकारहरु संगको छलफल कार्यक्रममा कार्यालयका प्रमुख अंगद बहादुर शाहीले यो अभियानमा जिल्लाका लक्षित उमेर समुहका कुनै पनि बालवालिका बञ्चित नहुने जानकारी गराउनुभएको छ । पत्रकार महासंघ दाङका उपाध्यक्ष सन्तोष सुवेदीको अध्यक्षतामा भएकोे छलफल कार्यक्रममा १५ महिनादेखि १५ बर्षमुनीका सम्पूर्ण बालवालिकाहरुलाई खोप अभियानमा सहभागि गराईने उहाँले बताउनुभयो । यो रोगबाट बच्नको लागि नियमित सरसफाई र खानपानमा ध्यान दिनुपर्ने प्रमुख शाहीको भनाई छ ।

खोप प्रदान लागि विद्यालयहरुमा केन्द्र स्थापना गरिने र अभियानको भोलीपल्ट स्वास्थ्य कार्यालय मार्फत छुटेका बालवालिकाहरुलाई एक दिन खोप प्रदान गरिने कार्यालय दाङका प्रमुख शाहीले जानकारी दिनुभयो ।

यसैविच स्वास्थ्य सेवा विभाग परिवार कल्याण महाशाखा अन्तर्गत् खोप शाखा प्रमुख सागर दाहालका अनुसार अभियानपछि नियमित खोप तालिकामा टाइफाइड खोप पनि समावेश गरिने भएको छ ।