काठमाडौं । नेपाल प्रहरीका २ हवल्दार र ११ जवानसहित १३ जना सम्पर्कविहीन भएका छन् । प्रहरी प्रधान कार्यालय नक्सालले एक सुचना जारी गर्दै सम्पर्कविहीन बनेका १३ प्रहरीहरुलाई सम्पर्कमा आउन आग्रह गरेको छ ।

प्रहरी प्रधान कार्यालयले जारी गरेको उक्त सुचनामा आफूखुरी सम्पर्कविहीन भएको जनाइएको छ । सोमबार जारी सूचनामा सम्पर्कमा आउदा स्पष्टिकरणसहित आउन पनि आग्रह गरिएको छ ।

यसैगरी सम्पर्कविहीन भएका एवं गैह्रहाजिर हुने प्रहरीहरुमा केन्द्रीय अनुसन्धान व्यूरो महाराजगञ्जमा दरबन्दी भएका दीपेन्द्र सिंह र सिन्धुपाल्चोकको ठोकर्पा प्रहरी चौकीका मंगल सिंह कुँवर छन् । यस्तै सिंह गत मंसिर १९ गतेदेखि सम्पर्कविहीन भएका हुन् भने कुँवर पुस ८ गतेदेखि कार्यालयको सम्पर्क बाहिर छन् ।

त्यस्तै प्रहरी जवानहरु विक्रम महर, आशबहादुर गुरुङ, सुनिल चौधरी, शान्तिराम राई, आषिश शेर्पा, नागेन्द्रप्रसाद यादव, मनोज चौधरी, अमृतलाल खत्री, सुरेश कुमार द्वाल, मार्सल जुलम एस।पी।, दिल दीक्षित राज के।सी। पनि सम्पर्कमा नरहेको सुचनामा जनाइएको छ । यदी सुचनाको ख्यान नगरी निर्धारित समयभित्र स्पष्टिकरण सहित उपस्थित नभएको अवस्थामा प्रहरी सेवाबाट हटाइने कार्यलयले निकालेको सूचनमा उल्लेख रहेको छ ।