SDBS

Unku

Spbk

Jmbp

Jmbg

Rgup

Mdmb

Lnp-8

Ggp4

Lnp9

Lnp5

Ggp3

Lnp3

Lnp2

Lnp1

Ggp2

Ggp1

Ggp5

Ggp6

Rpdx1

पाल्पा । पाल्पामा मलामी बोकेको बस दुर्घटनामा परि मृत्यु हुने सात मध्ये ६ जनाको सनाखत भएको छ ।

त्यस्तै मृत्यु हुनेमा अर्घाखांची मालारानी गाउँपालिका वडा नम्बर २ बस्ने वर्ष २५ को शंकर वि.क., वर्ष ३६ को मोहन कुंवर, वर्ष २८ को भोजेन्द्र बिक, बुटवल उपमहानगरपालिका – ११ बस्ने वर्ष ३२ को विजय थापा क्षेत्री र बुटवल – १७ बस्ने वर्ष ३० को पशुपति रसाईली र वर्ष ४० को खुम बहादुर रानाको सनाखत भएको जिल्ला प्रहरी कार्यालय पाल्पाले जानकारी दिएको छ। मृतक अर्का एकजनाको भने सनाखत हुन बाँकी छ । बुटवल ११ बुद्धनगरबाट रिडितर्फ मलामी बोकेर लु २ ख ७२७९ नम्बरको बस तानसेन–रिडी सडक खण्डअन्तर्गत पाल्पाको रिब्दिकोट–२ लगुवामा आइतबार बिहान साढे १० बजेतिर दुर्घटना भएको थियो ।

सडकबाट करिब ५५ मिटर तल खसेर बस दुर्घटना हुँदा ७ जनाको घटनास्थलमा मृत्यु भएको थियो । घाइतेहरूमा बुटवल १७ का ३८ वर्षीय, विशाल रसाइली, अर्घाखाँची कुभिण्डेका ४३ वर्षीय लाल बहादुर विक, बुटवल १७ का ४५ वर्षीय घनबहादुर सुनार, सैनामैना ६, का ५० वर्षीय श्यामबहादुर विक, अर्घाखाँची मालारानी-२, का ३७ वर्षीय रमेश टाेमटा रहेका छन। यस्तै अर्घाखाँची डाँडाकटेरी-१ का ५४ वर्षीय गाेपाल नेपाली, सैनामैना-६, रूपन्देहीका २९ वर्षीय मीरा रामधान घाइते रहेको प्रहरीले जनाएको हो ।

यस्तै बुटवलका ४८ वर्षीय माधव बस्याल, मालारानी अर्घाखाँचीका २२ वर्षीय दिपक विक र तुल्सी विक रहनुभएकाे छ । प्रहरीका अनुसार घाइतेहरूमा ९ जनाकाे लुम्विनी मेडिकल कलेज प्रभासमा उपचार भइरहेकाे छ भने ७जनाकाे मिसन अस्पतालमा उपचार भइरहेकाे छ । बुटवल ११ बुद्धनगरका बीरबहादुर विकको शवको अन्त्येष्टिका लागि ३६ जना जना मलामी बोकेर हिँडेको बस सडकबाट करिब डेढ सय मिटर तल खसेको प्रहरीले जनाएको छ ।