Lnp-8

Ggp1

Ggp3

Lnp1

Lnp2

Ggp4

Lnp5

Lnp9

Lnp3

Ggp2

Ggp5

Ggp6

काठमाडौं । जुवाडेसँग बरामद भएका चेक आरोपीलाई नै फिर्ता गरेको घटनामा एसएसपी र डिएसपीमाथि छानबिन सुरु भएको छ । काठमाडौं प्रहरीका तत्कालिन प्रमुख एसएसपी अशोक सिंह तथा डिएसपी नरेन्द्र चन्द माथि छानबिन सुरु भएको हो ।

गृह मन्त्रालयको निर्देशनमा प्रहरी प्रधान कार्यालयले डिआइजी राजेशलाल कर्णको नेतृत्वमा छानबिन थालेको छ । छानबिन समितिमा एसपी आभूषण तिमल्सिना र डिएसपी सन्तोष तामाङ सदस्य छन् ।

त्यस्तै सिन्धुलीका राजकुमार बरालको उजुरीका आधारमा छानबिन सुरु भएको हो । बराल साथी सुभाष भेटवालको अफिसमा गत असोजमा तास खेल्न गएका थिए । त्यहाँ आफ्नो चेक हराएको र भेटवालले दुई करोड २३ लाख फरेर पैसा दाबी गरेको पीडितको भनाई छ ।

बरालकै उजुरीका आधारमा प्रहरीले छानबिन थालेकोमा पछि भेटवालको पक्ष लिएर उनलाई पैसा दिन भन्दै दबाब दिएको थियो । पछि चेक समेत भेटवाललाई नै फिर्ता दिएपछि विवाद भएको हो। जसमा बरालले गृह मन्त्रालयमा उजुरी दिएका थिए ।

आरोपीको पक्ष लिने डिएसपी चन्द हाल जुम्लामा कार्यरत छन् । मुद्दा शाखामा हुँदा उनले यस्ता अन्य घटनामा पनि एकपक्षीय निर्णय गरेर पैसा कमाएको प्रहरी अधिकारीहरु बताउँछन् ।