Lnp9

Lnp5

Ggp1

Ggp5

Lnp-8

Ggp3

Ggp4

Ggp6

Ggp2

Lnp2

Lnp3

Lnp1

दाङ । राजपुर गाउँपालिकाले स्थानीय पाठ्यक्रम लागु गर्ने भएको छ । गाउँपालिकाले आफ्नो गाउँपालिका मातहतका विद्यालयहरुमा स्थानीय पाठ्यक्रम निर्माणका लागि विभिन्न चरणमा सम्बन्धित बिज्ञहरु संगको छलफल र राय सुझाब संकलनको कार्यलाई अघि बढाउदै आएको छ ।

पालिकाले पठ्यक्रम निर्माणको अन्तिम तयारीका लागि बिज्ञ सहितको सुझाब संकलनको काम अघि बढाएको गाउँपालिकाका अध्यक्ष लोकराज केसिले जानकारी दिनु भयो । नेपालको सविधान २०७२ अन्तरगत स्थानीय सरकार संचालन ऐन २०७४ले दिएको अधिकार प्रयोग गरि गाउँपालिकाले कक्षा १ देखि कक्षा आठ सम्मका लागि स्थानीय पाठ्यक्रम लागि योजना अघि सारेको हो । विद्यालयहरुमा अङग्रेजि र गणित विषय मात्र होईन बाल बालिकाहरुलाई आफ्नो स्थानीय सरकारको बारेमा बिस्तृत जानकारी प्राप्त होस भन्ने उदेश्य स्थानीय पालिकाको रहेको छ अध्यक्ष केसिले भन्नु भयो ।

राजपुर गाउँपालिकाको स्थानीय पाठ्यक्रम अन्य गाउँपालिकाहरुको लागि पनि अनुकरणिय बन्न सक्ने गरि पाठ्यक्रम निर्माणको तयारीमा गाउँपालिका जुटेको अध्यक्ष केसिको भनाईछ । उहाँले राजपुर गाउँपालिकाले तयार गर्ने स्थानीय पाठ्यक्रम दाङका दश स्थानीय पालिकाका लागि पनि उदाहरणिय बन्न सक्ने गरि तयार गर्न बिज्ञहरुलाई आग्रह समेत गर्नु भएको छ ।

यसैबिच राजपुर गाउँपालिकाको स्थानीय पाठ्यक्रम निर्माणका लागि एक दिने अन्तिम कार्यशाला आज लमहीमा सम्पन्न भएको छ । कार्यशालामा दाङका पुर्ब जिल्ला ,शिक्षा अधिकारी तथा बिज्ञ जित बहादुर शाहले बालबालिकाको मनोबिज्ञान अनुसारको पाठ्क्रम निर्माण गरि लागु गर्न आबश्यक रहेको बताउनु भयो । उहाँले बालबालिकाले के चाहान्छन उनिहरुको आबश्यकता चाहना र रुचि केहो त्यहाँको भुगोलको चिनारी केहो त्यस्ता कुराहरुलाई ख्याल गरेर सोही अनुसारका पाठ्यक्रम निर्माण गरिनुपर्ने बताउनु भयो । सो अबसरमा बिज्ञ युबराज अधिकारी देबमणि चौधरी लगायतले स्थानीय पाठ्यक्रम निर्माणका सवालमा सहजिकरण गर्नु भएको थियो । सो अबसरमा राजपुर गाउँपालिका अन्तरगतका विभिन्न विद्यालयका प्रअ तथा शिक्षक प्रतिनिधिहरुको सहभागिता रहेको थियो ।

कार्यक्रम उद्घाटन समारोहमा राजपुर गाउँपालिकाका उपाध्यक्ष धनपति देवि यादव, राजपुर गाउँपालिकाका प्रमुख प्रशासकीय अधिकृत चन्द्रकान्त पौडेल,मानव कल्याण तथा बाताबरण संरक्षण केन्द्र दाङका सचिब केपि घिमिरे लगायतले बोल्नु भएको थियो । कार्यक्रम मानव कल्याण तथा बाताबरण संरक्षणकेन्द्र सिड्स परियोजनाको सहकार्यमा सचालन गरिएको हो । कार्यक्रमको सचालन कामना चौधरीले गर्नु भएको थियो ।