Unku

Spbk

Jmbp

Mdmb

SDBS

Jmbg

Rgup

Lnp3

Rpdx1

Ggp1

Ggp2

Lnp2

Ggp5

Ggp3

Lnp1

Ggp4

Lnp9

Lnp5

Lnp-8

Ggp6

बाँके । बुधबार साँझ ७ बजेको समयमा राप्ती सोनारी गाउँपालिका कचनापुरमा रहेको राप्ती नदीबाट वालुवा उत्खनन गरेर टिप्परमा लोड गरेर लैजादै गरेको अवस्थामा इलाका प्रहरी कार्यालय कोहलपुरको टोलीले तीन वटा टिप्पर नियन्त्रणमा लिएको छ ।

अवैध रुपमा राप्ती नदी तटिय क्षेत्रबाट नदीजन्य पदार्थ बालुवा उत्खनन गरी लोड गरेर लैजादै गरेका भे१क १४३२,भे१ख ३५४२ र भे१ख ३२३१ नम्वरको टिप्परलाई नियन्त्रणमा लिएर अनुसन्धान भइरहेको कोहलपुर प्रहरीले जनाएको छ ।

यस क्षेत्र अन्तरगतका नदी, खोला तथा सार्वजनिक जमिनमा अवैध रुपमा वालुवा, गिट्टी तथा माटो उत्खननका घटनामा बृद्वि हुँदै गएको व्यापक जनगुनासो बढेको छ । जिल्लाको राप्ती सोनारी, कोहलपुर र बैजनाथ क्षेत्रमा अवैध रुपमा नदीजन्य पदार्थ तथा माटो उत्खनन गरेर विक्री वितरण भइरहेको हुँदा सम्बन्धित निकायहरुले यस तर्फ चासो देखाउँदै निगरानी बढाएका हुन् ।

कोहलपुर प्रहरीले श्रृष्टि सामुदायिक वन उपभोक्ता समितिभित्र पर्ने डुडुवा खोलाबाट अवैध रुपमा माटो उत्खनन गरेर विक्रीका लागि लोड भएका ५ वटा ट्याक्टर केहि दिन अघिमात्र नियन्त्रणमा लिएको थियो । यस्तै मानखोला डिगियाबाट अवैध रुपमा ग्राभेल उत्खनन गरी लोड भएको एक ट्याक्टरलाई प्रहरीले नियन्त्रणमा लिएर कारवाहीको लागि जिल्ला समन्वय समितिमा बुझाएको थियो ।

त्यस्तै अहिले कुनै पनि खोला तथा नदीजन्य पदार्थको ठेक्का नखुलेको खण्डमा जति पनि नदिजन्य तथा माटोजन्य सामाग्री उत्खनन भइरहेको छ । त्यो सबै अवैध हुने भएकाले आफ्नो क्षेत्राधिकार पर्ने सबै खोला, नदी तथा सार्वजनिक जमिनमा निगरानी बढाएको इलाका प्रहरी कार्यालय कोहलपुरका प्रहरी प्रमुख डिएसपी रबिन्द्र खनालले बताएका छन् । साथै बुधवार नियन्त्रणमा लिएका ३ वटा टिप्परलाई विहिवार सार्वजनिक विदा परेकाले शुक्रवार कारवाहीका लागि जिल्ला समन्वय समितिमा पठाउने तयारी भइरहेको प्रहरीको भनाई छ ।