Lnp1

Lnp2

Lnp9

Lnp5

Ggp2

Ggp1

Ggp6

Ggp4

Ggp3

Lnp-8

Ggp5

Lnp3

रोल्पा । गएराती देखि परेको हिमपातले गर्दा रोल्पाको गंगादेव गाउँपालिका भित्र सुरु भएको अर्धवार्षिक परिक्षा स्थगित गरिएको छ । गाउँपालिकाको शिक्षा, युवा तथा खेलकुद शाखाले आज बिहान एक सुचना जारी गर्दै हिमपातका कारण गाउँपालिका भित्रका विद्यालयहरुमा जारी अर्धवार्षिक परिक्षा स्थगित गरिएको जनाएको हो ।

गाउँपालिका भित्र यहि पुस ११ गतेदेखि अर्धवार्षिक परिक्षा सुरु भएको थियो । आज पुस १५ र भोली पुस १६ गते दुइदिन परिक्षा स्थगित गरिएको गाउँपालिकाले जनाएको छ । आज र भोली स्थगित गरिएको परिक्षा पुस २० र २१ गते गरिने जानकारी दिईएको छ ।

गएराती देखि रोल्पा तथा सल्यानका अग्ला लेकहरुमा हिमपात भएको छ । सल्यानको खर्सुबास, गुराँसे, पातिहाल्न, बाँफुखोला, कुमाख लगाएतका लेक र त्यस आसपासका भु–भागमा हिमपात भएको छ ।

त्यसैगरी सल्यानसँग भु–भाग जोडिएको रोल्पा गंगादेव गाउँपालिकाको झ्याम, मनिमारे, घोप्टेओडार, लामाचौर, नाउली, ओत लगाएतका गाउँहरुमा पनि हिमपात भएको छ ।