बाँके । जनबाहिनी नेपालले बाँके जिल्लाको राप्ती सोनारी गाउँपालिका अन्तरगत शमशेरगंजमा रहेको गौशालालाई खाद्यान्न सहयोग गरेको छ ।

आइतबार संस्थाका संयोजक तथा विश्व हिन्दु युवा संघका केन्द्रीय सदस्य समेत रहनु भएका युवा नेता एवं सामाजिक तथा धार्मिक अभियन्ता शिरोमणि ओझाले उक्त गौशालामा पुगेर चामल, दाल, नुन, तेल, पिठो लगायतका खाद्यान्न र स्वास्थ्य सामाग्री सो गौशालाका जिम्मेवार संरक्षकहरुलाई हस्तान्तरण गर्नु भएको हो । त्यस्तै ओझाले उक्त खाद्यान्न राहत गौशालालाई हस्तान्तरण गर्दै सो गौशालाको तत्काल उचित व्यवस्थापन गर्न सम्बन्धित सरोकारवाला निकायलाई आग्रह गर्नु भएको छ।ओझाले यस अघि दाङ जिल्ला अन्तरगत देउखुरीको लमही नगरपालिका वडा नम्बर ९ रिहारमा रहेको गौशालालाई खाद्यान्न तथा स्वास्थ्य सामग्रीहरु हस्तान्तरण गर्नु भएको थियो । यस्तै अभियानता ओझाले अबदेखि देशका प्रत्येक जिल्लामा पुगेर त्यस क्षेत्रमा संचालन गरिएका गौशालालाई निरीक्षण गरि त्यहाँको स्थानीय निकाय र सम्बन्धित सरोकारवालासंग सहकार्य एवं समन्वय गर्दै देशैभरका गौशालाको व्यवस्थापनमा सुधार ल्याउने अभियानमा आफ्नो संस्थाको तर्फबाट निरन्तर लागि पर्ने अताउनु भएको छ ।