०८ साउन २०८३, शुक्रबार
Amb
Sdc
Dbc
Sidha Patra बिहिबार, साउन ०७, २०८३
दाङ । देउखुरीको लमही नगरपालिका वडा नम्बर ७ कप्तानगञ्जमा अटोको ठक्करबाट ७२ वर्षीय रामबहादुर घर्ती मगरको मृत्यु भएको छ ।
बिहीबार बेलुका करिब ७:४५ बजे लमहीबाट पश्चिमतर्फ जाँदै गरेको रा १ ह ३७४१ नम्बरको अटोले पूर्वतर्फ पैदल हिँडिरहेका लमही-७ कप्तानगञ्ज निवासी ७२ वर्षीय घर्ती मगरलाई ठक्कर दिँदा गम्भीर घाइते भएका थिए ।
त्यस्तै,दुर्घटनामा गम्भीर घाइते भएका घर्ती मगरको टाउकोमा गहिरो चोट लागेको थियो । उनलाई तत्काल लमही अस्पतालमा प्राथमिक उपचार गरिएपछि थप उपचारका लागि घोराहीस्थित सञ्जीवनी शिक्षण अस्पतालमा रेफर गरिएकोमा चिकित्सकले त्यही मृत घोषणा गरेका हुन् ।
यस्तै,उक्त दुर्घटनामा संलग्न अटोका चालक लमही नगरपालिका -७ उचानिम्बु निवासी ४० वर्षीय जितराम चौधरी र अटोलाई प्रहरीले नियन्त्रणमा लिएको छ । घटनाबारे थप अनुसन्धान भइरहेको प्रहरीले जनाएको छ ।
