Ssm

Rgu

Ksm

Sbs

Rgu

Vor

nsb

Rsb

Sls

Rgs

Pvg

Hal

Ggd

Wsp

Bbu

Gst

Tsm

Bbbpu

Asm

Mks

Pls

Bml

Gsb

Jmb

Rpp

Ptm

Abd

bbt

Jmb

Syp

Rmb

sab

काठमाडौं । सरकारले एकैसाथ १२ वटा कर्मचारी ट्रेड युनियनहरु खारेज गरिदिएको छ । श्रम तथा व्यवसायजन्य सुरक्षा विभागले बुधबार सूचना जारी गर्दै ट्रेड युनियनहरु खारेज गरिदिएको हो ।

दर्ता खारेज भएका ट्रेड युनियनहरूमा नेपाल निजामती कर्मचारी संगठन,नेपाल निजामती कर्मचारी युनियन र नेपाल राष्ट्रिय निजामती कर्मचारी संगठनलगायत छन् । यी ट्रेड युनियनहरु क्रमशःएमाले,कांग्रेस र साविक माओवादी निकटका हुन् ।

त्यस्तै,नेपाल मधेशी निजामती कर्मचारी मञ्च, नेपाल स्वास्थ्यकर्मी संघ,मधेशी स्वास्थ्यकर्मी फोरम नेपाल,एकीकृत सरकारी कर्मचारी संगठन र स्वतन्त्र राष्ट्रसेवक कर्मचारी संगठन नेपालको पनि दर्ता खारेज भएको छ । यी संगठनहरु निजामती सेवा ऐन,२०४९ (दोस्रो संशोधन, २०६४)को दफा ५३ को उपदफा २ बमोजिम दर्ता भएका राष्ट्रियस्तरका निजामती कर्मचारी ट्रेड युनियनहरु हुन् ।

यस्तै,नेपाल स्वास्थ्य सेवा ऐन,२०५३ को (चौथो संशोधन २०७०)को दफा ९२ (क) १ बमोजिम दर्ता भएका राष्ट्रियस्तरका अरु चार वटा ट्रेड युनियनको पनि दर्ता खारेज गरिएको छ । ती ट्रेड युनियनमा नेपाल स्वास्थ्यकर्मी युनियन, स्वास्थ्यकर्मी यूनियन नेपाल,राष्ट्रिय स्वास्थ्यकर्मी संघ नेपाल र राष्ट्रिय प्रगतिशील स्वास्थ्यकर्मी संगठन छन् । सरकारको सिफारिसअनुसार राष्ट्रपति रामचन्द्र पौडेलले आइतबार ‘केही नेपाल ऐनलाई संशोधन गर्ने अध्यादेश’ जारी गरेर निजामती सेवा ऐनका ट्रेड युनियनसम्बन्धी व्यवस्था खारेज गरिदिएका थिए ।

ऐनको व्यवस्था खारेज भएसँगै ट्रेड युनियनहरुको वैधानिकता समाप्त भएको थियो । निजामती सेवा ऐनको व्यवस्थाका आधारमा श्रम ऐनअन्तर्गत दर्ता भएका ट्रेड युनियनहरू मूल ऐनको व्यवस्था खारेज भएसँगै खारेजीमा परेका हुन् । बुधवार बसेको विभागको पञ्जिकाधिकारीको निर्णयबाट ट्रेड युनियनहरुको दर्ता खारेज भएको विभागले बताएको छ ।नयाँपत्रीका