Rsb

Asm

Gst

Bbbpu

Sls

Wsp

Bbu

Rgu

Rgu

Tsm

Ggd

nsb

Pvg

Ssm

Sbs

Ksm

Vor

Hal

Rgs

Syp

Jmb

Ptm

Bml

Pls

Abd

sab

Jmb

Rmb

bbt

Gsb

Rpp

Mks

दाङ । घोराही अवस्थित राप्ती स्वास्थ्य विज्ञान प्रतिष्ठानको जग्गा अतिक्रमण गरेर बसेका वास्तविक सुकुमवासीहरूको व्यवस्थापनका लागि पहल सुरु गरिएको छ। यसका लागि प्रतिष्ठान र नवलपुर बहुउद्देश्यीय सरोकार समितिबीच बुधबार पूरक सम्झौता भएको हो।

सम्झौताअनुसार प्रतिष्ठान र कटुवा खोलाबीच रहेको जग्गामा बसोबास गर्दै आएका करिब १५० घरधुरीमध्ये वास्तविक भूमिहीन सुकुमवासीको पहिचान गरिनेछ। पहिचान भएका प्रत्येक घरधुरीलाई अम्बापुर जग्गा एकीकरण आयोजना अन्तर्गत ५–५ धुरका दरले घडेरी उपलब्ध गराइने उल्लेख गरिएको छ।

यस्तै, सुकुमवासीलाई उपलब्ध गराइने नयाँ स्थानमा बाटो, बिजुली, खानेपानीलगायतका आधारभूत सुविधा व्यवस्थापन गर्न घोराही उपमहानगरपालिका, प्रदेश सरकार र संघीय सरकारसँग समन्वय गरी पहल गरिने पनि सम्झौतामा समावेश गरिएको छ।

सम्झौतापत्रमा प्रतिष्ठानका निमित्त उपकुलपति तथा रजिस्ट्रार प्रा. श्याम लम्साल र नवलपुर बहुउद्देश्यीय सरोकार समितिका अध्यक्ष एवं अम्बापुर जग्गा एकीकरण आयोजनाका बलिभद्र रानाले हस्ताक्षर गरेका छन्।

पहिले पनि नवलपुर बहुउद्देश्यीय सरोकार समितिकै पहलमा नवलपुरको जग्गा प्रतिष्ठान मातहत ल्याउने प्रयास गरिएको थियो।