प्यूठान । सरुमारानी गाउँपालिका स्तरीय आधारभूत तह कक्षा ८ को शैक्षिकसत्र २०८२ को नतिजामा सामुदायिक विद्यालयको तर्फबाट सत्य माध्यमिक विद्यालय ददेरी प्रथम भएको छ ।

सरुमारानी गाउँपालिका वडा नम्बर २ ददेरीमा रहेको उक्त विद्यालयबाट शैक्षिकसत्र ०८२ को पालिका स्तरीय कक्षा ८ परीक्षामा ४८ जना विद्यार्थीहरु सहभागी भएका थिए । यहीँ चैत २० गते शुक्रबारका दिन सार्वजनिक भएको नतिजामा ३९ जना विद्यार्थीहरु ८१.२५ प्रतिशतका साथ उत्तीर्ण हुन सफल भएको विद्यालयका प्रधानाध्यापक नारायणप्रसाद पौडेलले जानकारी दिए ।त्यस्तै प्रधानाध्यापक पौडेलले भनेका छन् । अथक मेहनतका साथ उत्तीर्ण भाइबहिनीहरुलाई हार्दिक बधाई व्यक्त गर्दछु । विद्यार्थीहरुले यो नतिजा प्राप्त गर्नमा कक्षा शिक्षक सहित सबै विषयगत शिक्षक साथीहरुको मेहनत,लगनशीलता र निरन्तरताको खटनको महत्त्वपूर्ण भूमिका रहेको छ । विषयगत सहजीकरण तथा होस्टेलको बसाइ व्यवस्थापनमा अहोरात्र खटन होस्टेल इञ्चार्ज एवम् विषयगत साथीहरुको योगदानको उच्च सम्मान गर्दछु । विद्यालयद्वारा बधाई एवम् धन्यवाद