कास्की । पोखरा अन्तर्राष्ट्रिय विमानस्थल निर्माणमा अनियमितता गरेको आरोप सहित तत्कालीन पर्यटन सचिव केदारबहादुर अधिकारीसहित २१ व्यक्ति र २ कम्पनीलाई प्रतिवादी बनाएर विशेष अदालतमा भ्रष्टाचार मुद्दा दायर भएको छ ।

विशेष अदालतका सूचना अधिकारी यज्ञराज रेग्मीका अनुसार कुल २३ प्रतिवादीविरुद्ध मुद्दा दर्ता भएको हो । उनका अनुसार ४६ करोड १५ लाख ८४ हजार ४३४ रुपैयाँ बिगो माग वादी गरिएको छ ।नपोखरा विमानस्थल चीनको ऋण सहयोगमा बनाइएको राष्ट्रिय गौरवको आयोजना हो। यसको निर्माण २०६५ सालदेखि अध्ययन सुरु भएर २०७९ सालमा सम्पन्न भएको थियो ।

त्यस्तै ८ चैत २०७२ मा नेपाल-चीन सरकारबीच १ अर्ब ३७ करोड युआन (लगभग २२ अर्ब ६१ करोड रुपैयाँ) को ऋण सम्झौता भएको थियो । यसमध्ये ३५ करोड ५९ लाख युआन निर्ब्याजी ऋण र बाँकी रकममा नेपालले विस २०९२ सालभित्र किस्ता र ब्याज चुक्ता गर्नुपर्ने सर्त थियो । यसके अनियमितता प्रकरणमा तत्कालीन पर्यटनसचिव केदारबहादुर अधिकारी सहित २१ व्यक्ति र २ कम्पनीबिरुद्ध विशेष अदालतमा मुद्दा दायर भएको हो ।