१७ चैत्र २०८२, मंगलबार
Rksr-7
Jsbr-3
Gsbr-6
Pbu
Msbg-2
Csbg-7
ksbl-7
Usbl-7
Gsbg-3
Jsbg-7
Sidha Patra आइतबार, चैत्र १७, २०८१
काठमाडौँ । संयुक्त राज्य अमेरिकाबाट डिपोर्ट गरिएका ३ जना भुटानी नागरिकहरुलाई प्रहरीले झापाबाट पक्राउ गरेको छ ।
शनिवार भारततर्फको पानी ट्याङ्कीबाट काँकडभिट्टा आएका उनीहरूलाई पक्राउ गरिएको झापाका एसपी मिलन केसीले बताए ।
त्यस्तै पक्राउ पर्नेमा ३६ वर्षीय आशिष सुवेदी, ३१ वर्षीय सन्तोष दर्जी र ३६ वर्षीय रोशन तामाङ रहेका छन् । ट्रम्प प्रशासनले चार्टर्ड विमान मार्फत उनीहरूलाई भुटानको पारो एयरपोर्टमा लगेर छाडेको पाइएको छ । ४ दिनअघि पारो एयरपोर्टमा उत्रिएका उनीहरू काँकडभिट्टामा देखिएका हुन् ।
यस्तै अमेरिकाबाट आफ्नो समूहमा १० जना डिपोर्ट (निष्कासन) मा परेको उनीहरूले प्रहरीलाई बताएका छन् । भुटानी शरणार्थीहरुलाई प्रहरीले काँकडभिट्टा स्थित अध्यागमन कार्यालयमा बुझाएको छ । अहिले झापाको बेलडाँगीमा रहेका शरणार्थी शिविरमा ५ हजार शरणार्थीहरु बसि रहेका छन् ।
