काठमाडौं । यहीँ असोज १० देखि १३ गतेसम्मको अविरल वर्षासँगै बाढी,पहिरो र डुबानका घटनाबाट हालसम्म २ सय ४६ जनाको मृत्यु पुष्टि भएको छ ।

यो अवधिमा प्राकृतिक विपदका घटनामा परी १८ जना बेपत्ता छन् । १७८ जना घाइते भएको प्रहरीले जनाएको छ । १७ हजार १७४ भन्दा बढी मानिसको उद्धार गरिएको प्रहरी प्रधान कार्यालयले जानकारी गराएको छ ।

त्यस्तै बाढी,पहिरोमा परी वाग्मती प्रदेशमा सबैभन्दा बढी १ सय ३९ जनाले ज्यान गुमाए । वाग्मतीमा सात जना बेपत्ता छन् । काठमाडौं उपत्यकामा मात्र ७० जनाको मृत्यु भएको छ । उपत्यकामा पनि सात जना बेपत्ता छन् । बाढी,पहिरोमा परी कोसी प्रदेशमा २० जनाले ज्यान गुमाए । त्यहाँ २० जना बेपत्ता छन् । मधेस प्रदेशमा नौ जनाको मृत्यु भएको छ ।

लुम्बिनी प्रदेशमा दुई जनाको मृत्यु भएको प्रहरीले जनाएको छ । वर्षासँगै बाढी,पहिरोले सडक, पुल, सार्वजनिक सम्पत्ति, व्यक्तिका निजी घर तथा आवास लगायत भौतिक संरचनामा पनि ठूलो क्षति पुगेको प्रहरीले जनाएको छ ।