Rsb

nsb

Bbu

Sls

Rgu

Ksm

Wsp

Vor

Asm

Rgs

Sbs

Bbbpu

Pvg

Tsm

Ssm

Gst

Rgu

Ggd

Hal

sab

Jmb

Mks

bbt

Syp

Abd

Rpp

Rmb

Jmb

Ptm

Bml

Pls

Gsb

प्यूठान । प्युठान जिल्लाको सरुमारानी गाउँपालिका वडा नम्बर ४ ओखरडाँडामा सुत्केरी महिलाको हत्या आरोपमा ५ जना पक्राउ परेका छन् ।

त्यस्तै १७ वर्ष अगाडि भएको सो हत्या घटनाका २ जना आरोपित अझै फरार रहेको प्रहरीले बताएको छ । यस्तै एक जना आरोपितको भने मृत्यु भइसकेको जिल्ला प्रहरी कार्यालय प्युठानले जनाएको छ । स्थानीय ३० वर्षीया हरिकला बुढाथोकीको कुटपिट गरी हत्या गरेको आरोपमा प्रहरीले १७ वर्षपछि आरोपितहरूलाई पक्राउ गरेको हो । कुटपिटबाट घाइते भएकी बुढाथोकीको लुम्बिनी प्रादेशिक अस्पताल (तत्कालीन लुम्बिनी अञ्चल अस्पताल)मा उपचारका क्रममा मृत्यु भएको थियो ।

त्यस्तै पक्राउ पर्नेमा ६७ वर्षीया हुमि कुमारी देवी सारु, ७५ वर्षीया दिलिसरा देवी सोमै, ४० वर्षीया सितादेवी पुलामी, ३९ वर्षीया झविसरा पुलामी र ४९ वर्षीया पुतलीदेवी नेपाली रहेको प्रहरीले जनाएको छ । उनीहरूमाथि आवश्यक अनुसन्धान गरी बुधबार प्युठान जिल्ला अदालतमा पेस गरिएको छ । उक्त घटनामा संलग्न ५३ वर्षीया निमिसरा राना र ४३ वर्षीया तारा बहादुर सारु अझै फरार रहेको प्रहरीले जनाएको छ । यस्तै घटनामा संलग्न रहेको आरोपित ५३ वर्षीया हुमीकुमारी रानाको मृत्यु भइसकेको प्रहरीले जनाएको छ ।

यस्तै बुढाथोकीका श्रीमान् धुर्वराज बुढा मगर रोजगारका लागि भारत गएको १४ महिनापछि हरिकलाले बच्चा जन्माएपछि अवैध सम्बन्ध राखेको भन्दै कुटपिट भएको थियो । सुत्केरी अवस्थामै कुटपिटबाट बुढाथोकीको ज्यान गएको थियो भने जन्मेको ५ दिनमै शिशुको पनि मृत्यु भएको थियो ।