
Gfs
Pbu
Rgp1
Unsku
Djs
cjs
pku
Srbpu
Rgp
sbs
Pes
Lnp
Ggp
Sgr

Vor
Bbu
Asm
Ggd
Hal
nsb
Ksm
Wsp
Ssm
Tsm
Bbbpu
Rgu
Pvg
Gst
Rgu
Sbs
Rsb
Rgs
Sls

Jmb
Ptm
Syp
Jmb
Pls
Gsb
sab
Bml
Rpp
bbt
Rmb
Mks
Abd
काठमाडौं । शुक्रबारदेखि भारतको पिथौरागढमा नेपाल–भारतको संयुक्त सैन्य अभ्यास प्रारम्भ भएको छ।
नेपाली सेना र भारतीय सेनाको संयुक्त अभ्यास ‘सूर्यकिरण’को १७औँ संस्करणमा नेपाली सेनाको तारा दल गणका प्रमुख सेनानी सुवास केसीको नेतृत्वमा तीन सय ५४ सदस्यीय फौज र भारतीय सेनाको कुमाउ गणका तीन सय ५४ जना सहभागी छन्। हरेक वर्ष नेपाल र भारतबीच सैन्य अभ्यास हुँदै आएको छ।
गत पुसमा रुपन्देहीको सालझण्डीमा उक्त अभ्यास भएको थियो। यही मङ्सिर २१ गतेसम्म सञ्चालन हुने उक्त अभ्यासअन्तर्गत विषम परिस्थिति, पहाडी एवं विकट स्थानमा मानवीय सहयोग परिचालन तथा विपद् व्यवस्थापन, संयुक्त राष्ट्रसङ्घको आह्वानमा शान्ति स्थापनार्थ खटिने फौजले अपनाउनुपर्ने पूर्वसतर्कता, चित्कित्सकीय प्रशिक्षण, वायुसेवा तथा उड्यनका विविध पक्ष, पर्यावरण संरक्षण, प्रतिविद्रोह तथा प्रतिआतङ्कवादलगायत जङ्गल युद्धकला सम्बन्धी व्यावहारिक ज्ञान दिइनेछ।
यसैगरी द्विपक्षीय सैन्यअभ्यासबाट नेपाल र भारतबीचको शताब्दीऔँ पुरानो मैत्रीपूर्ण सम्बन्धलाई अझ सुदृढ तुल्याउन तथा दुवै मुलुकका सेनाको सहकार्य,साझेदारी एवं साझा सुरक्षा चासो सम्बोधन गर्न योगदान पुग्ने विश्वास नेपाली सेनाले गरेको छ।
