Rgu

Asm

Wsp

Hal

Bbbpu

Gst

Ksm

Pvg

Vor

Bbu

Ggd

Rgs

nsb

Sls

Tsm

Rgu

Rsb

Ssm

Sbs

Rmb

Bml

Jmb

Pls

Mks

Jmb

Abd

bbt

Ptm

Gsb

Rpp

Syp

sab

दाङ । देउखुरीको गढवा गाउँपालिकाले अपांगता भएका ख र ग बर्गका नागरिकहरुलाई कपडा धुने सरफ बनाउने सिप सिकाएको छ ।

नेपाल सरकारबाट सामाजिक सुरक्षा भत्ता लिन नपाउने वर्गका अपांगता भएका नागरिकहरुलाई सिप सिकाएर आयआर्जन गर्न सक्ने बनाउने अभिप्रायका साथ सरफ बनाउने तालिम सिकाईएको गाउँपालिकाले जनाएको छ ।

गढवा गाउँपालिकाको महिला तथा वालवालीका शाखाको आयोजनामा सम्पन्न उक्त तालिममा १६ जना अपांगता भएका नागरिकहरुले सरफ बनाउने सिप सिकेका छन् । सात दिनको तालिमबाट कपडा धुने सरफ बनाउन सक्ने भएको तालिमका सहभागिहरुले बताएका छन् ।

सोडा र क्षारलाई मिक्स गरि १० मिनट सम्म हातमा पंजा लगाएर राम्रोसंग मोल्ने र त्यसमा बिभिन्न प्रकारका केमिकल पाउडरहरु मिक्स गरेर मोलेपछि सरफ तयार हुने प्रशिक्षक तथा नागरिक सिप समाजका अध्यक्ष बिष्णु थापाले जानकारी दिनुभयो । सरफ बनाउनकालागि ब्राईट नट पाउडर, जि साल्ट (नून), कलर दाना, सेण्ट, खानेसोडा, एओएस पाउडर, टिएसपि,एसएसईएस, एसटिपिपि, सिएमसि पाउडरहरु, ड्राई सोडिएम फाष्फेट, सोडिएम ट्राईपोली फष्फेट, र कार्बोसिट मेट्री लगायत १४ प्रकारका केमिकलहरु प्रयोग गरिने प्रशिक्षक थापाले जानकारी दिनुभयो ।

यत्ति धेरै केमिकल हालेर बनाएको सरफ महंगो र एक नम्बर गुणस्तर बन्ने उहाँले बताउनु भयो । यसभन्दा कम मूल्य र क्वालीटीको बनाउन सिंगमरमर,युरीया र नून थप गर्न सकिन्छ । बजारमा पाईने आम सरफ यहि भएको उहाँले कार्यक्रममा जानकारी दिनुभयो । गत चैत्र २१ गतेदेखि सुरु भएको सरफ बनाउने तालिम एक कार्यक्रमका बिच सोमवार समापन गरिएको छ । गढवा गाउँपालिकाका गाउँकार्यपालिकाका सदस्य मानबहादुर नेपालीको अध्यक्षता र गढवा गाउँपालिकाका उपाध्यक्ष शारदा कुमारी चौधरीको प्रमुख आतिथ्यमा कार्यक्रमको समापन गरिएको हो । कार्यक्रमको सहजीकरण महिला वालवालीका शाखाका प्रमुख पे्ररणा चन्दले गर्नुभएको थियो ।