१७ चैत्र २०८२, मंगलबार
Jsbg-7
Jsbr-3
ksbl-7
Csbg-7
Gsbg-3
Rksr-7
Gsbr-6
Usbl-7
Msbg-2
Pbu
Sidha Patra आइतबार, माघ २२, २०७९
काठमाडौं । राष्ट्रिय स्वतन्त्र पार्टी सरकारबाट बाहिरिएको छ।
आज पार्टी कार्यालयमा बसेको केन्द्रीय समिति र संसदीय दलको संयुक्त बैठकले सरकारबाट फिर्ता हुने निर्णय लिएको हो। सभापति रवि लामिछानेले गृहमन्त्रालयको जिम्मेवारी नपाएपछि रास्वपाले प्रधानमन्त्री पुष्पकमल दाहाल प्रचण्ड नेतृत्वको सरकारबाट बाहिरिने निर्णय गरेको हो । प्रधानमन्त्री प्रचण्डले गृह छोडेर भौतिक पूर्वाधार मन्त्रालय लिन गरेको आग्रहलाई रास्वपाले अस्वीकार गरेको हो।
त्यस्तै रास्वपाले सरकारमा रहेका मन्त्रीलाई फिर्ता बोलाउँदै सरकारलाई दिएको समर्थन कायम राख्ने भएको हो । प्रचण्ड सरकारमा रहेका श्रम, रोजगार तथा सामाजिक सुरक्षामन्त्री डोलप्रसाद अर्याल, रास्वपाबाट मन्त्री बनेका शिक्षा, विज्ञान तथा प्रविधिमन्त्री शिशीर खनाल र स्वास्थ्य राज्यमन्त्री तोसिमा कार्की पनि फिर्ता हुने भएका हुन्।
