राेल्पा । एक नाबालिक माथि जबर्जस्ती करणी गरेकाे अभियाेगमा एक जनप्रतिनिधि पक्राउ परेका छन् । त्यस्तै पक्राउ पर्नेमा त्रिवेणी गाउँपालिका वडा नम्बर ६ का ३५ वर्षीय मोहन केसी रहेको जिल्ला प्रहरी कार्यालय राेल्पाले जनाएको छ।

यस्तै उनी गत स्थानीय तह निर्वाचनमा नेपाली काङ्ग्रेसबाट त्रिवेणी गाउँपालिका वडा नम्बर ६ काे वडा सदस्यमा निर्वाचित भएका केसीले साेमबार दिउँसो करिब १२ बजे माडी गाउँपालिकाको वडा नम्बर १ की एक १४ वर्षीय नाबालिकलाई ललाई फकाई प्रलोभनमा पारी जबर्जस्ती करणी गरेकाे जानकारीपछि प्रहरीले पक्राउ गरेको जिल्ला प्रहरी कार्यालय राेल्पाका प्रवक्ता प्रहरी निरीक्षक थमन जिसीले बताए।

त्यस्तै घटनाको खबर पाए लगत्तै ईलाका प्रहरी कार्यालय घर्तीगाउँबाट खटिएको प्रहरी टाेलीले केसीलाई पक्राउ गरि इप्रका घर्तीगाउँमा प्रारम्भिक अनुसन्धानपछि थप अनुसन्धानका लागि जिल्ला प्रहरी कार्यालय रोल्पामा ल्याई जिल्ला अदालतबाट जबर्जस्ती करणी मुद्दामा ७ दिनकाे म्याद थप गरि अनुसन्धान भईरहेकाे प्रहरी निरीक्षक जिसीले जानकारी दिए ।जनसहारा