Usb

Gsb

Tsb

Ssb

Hl1

Nps

ptl

Rgu

रुपन्देही (तिलोत्तमा)। भैरहवामा स्थापना गरिएको प्रदेश जनस्वास्थ्य प्रयोगशालामा कोरोना परीक्षणका लागि चाहिने ‘आरएनए एक्स्ट्रयाक्सन’ किट आइपुगेको छ । प्रयोगशालामा परीक्षणका लागि आवश्यक साम्रगीको अभाव भएपछि कोरोनाको परीक्षण रोकिएको थियो ।

प्रदेश ५ जनस्वास्थ्य प्रयोगशालाका निमित्त प्रमुख डा. राजेन्द्र गिरिले किट सकिएको १ सातापछि १ हजार थान आइपुगेको  बताए । उनले कीट अभाव भएपछि रोकिएको कोरोना परीक्षण पुन: सुरु हुने जानकारी दिए । किटले ८ सय सम्मको परीक्षण गर्न मिल्न‍े उनले बताए । ‘यसअघि आएको किटमा आवश्यक रसायन मिसिएरै आएकाले यहाँ केही थप काम नगरी परीक्षण गर्न मिल्ने थियो । यसपाली आएको किटमा रसायन मिसाउनुपर्ने भएकाले १ हजारले १ हजारलाई नै पुग्दैन,’उनले भने ।

किट आएसंगै स्वास्थ्य कार्यालय रुपन्देहीले पीसीआर परीक्षणका लागि शनिबार १ सय ९१ जनाको स्वाब संकलन गरेको छ । जिल्लाका ६ वटा पालिकाका क्‍वारेन्टाइनमा रहेकाहरुको स्वाब परीक्षणका लागि नमुना संकलन गरिएको स्वास्थ्य कार्यालय रुपन्देहीका भेक्टर कन्ट्रोल निरीक्षक केदारनाथ शाहले बताए । उनिहरु सबै भारतबाट आएका थिए। यस प्रयोगशालामा प्रदेश पाँचको विभिन्न जिल्लाबाट स्वाब संकलन गरी परीक्षणका लागि आउने गर्दछ ।