Hl1

Gsb

Usb

Tsb

Ssb

ptl

Rgu

Nps

दाङ । घोराही स्थित कारागारबाट उपचारका लागि अस्पताल लगेको अबस्थामा भागेका एक जनाकैदीको खोजी गर्न जिल्ला प्रहरी कार्यालय दाङले डिएसपीको कमाण्डमा प्रहरी परिचालन गरेको छ ।

कर्तव्य ज्यान मुुद्धामा २० बर्ष कैद तोकिएका राजपुर गाउँपालिका ३ घर भएका २९ बर्षिय यामराज परियारलाई छाला उपचार गर्न हिजो राप्ती स्वास्थ्य बिज्ञान प्रतिष्ठान घोराहीमा लगिएको अबस्थामा प्रहरीकै मोटरसाईकल लिएर भागेका छन् ।

परियारलाई उपचार गर्न लगेका प्रहरी जवान धनबहादुर चौधरीको लु ३१ प ४१० नम्बरको १५० सिसिको निलो कालो पल्सर मोटरसाईल सहित अस्पतालबाट भागेपछि उनको खोजीमा डिएसपी मुुकुुन्दप्रसाद रिजालको कमाण्डमा प्रहरी परिचालन भएको प्रहरी प्रमुख, एसपी सुरेश काफ्लेले जानकारी दिनुुभएको छ ।

यसैविच मिलेमतोमै कैदी परियार भगाएको प्रहरीले बताएको छ । परियारलाई भगाउने उदेश्य अनुुसार नै धेरै व्यक्तिहरुको घटनामा संलग्नता देखिएको प्रारम्भिक अनुसन्धानले देखाएको एसपी काफ्लेले बताउनुुभयो । सुरक्षाको कुुनै पनि मापदण्ड पालना नभएको भन्दै उहाँले उपचारमा लगेका प्रहरी जवानलाई हिरासतमा राखेर अनुसन्धान सुरु गरिएको उहाँको भनाई छ ।

उता कारागारका जेलर युवराज परियारले सुरक्षा प्रशासनकै कमजोरीले कैदी भागेको बताउनुुभयो । आफुहरु अस्पताल र अदालत ल्याउने लैजाने गाडी नभएका कारण मोटरसाईकलमा लगेको भन्दै उहाँले सुरक्षा प्रशासनले कमजोरी गरेका कारण कैदी भागेको प्रतिकृया दिनुुभयो ।