बाँके। नेपालगन्ज १५ पिप्रहवाबाट अवैधरुपमा चोरी पैठारी गरि भारतबाट नेपालतर्फ ल्याउँदै गरेको विभिन्न किसिमका सामानहरु लत्ताकपडा र लेडिज चप्पल बरामद गरेको छ ।

सशस्त्र प्रहरी बल बियोपी जमुनाहका सूचना अधिकृत प्रहरी नायव निरीक्षक योगेन्द्र बहादुुर शाही नेतृत्वको टोलीले १ लाख ४२ हजार मूल्य बराबरको सामानहरु पक्राउ गरेको गरेको छ । समानहरु छुर्पी ७० किलो, लेडिज कुर्ती २८ पिस,अलादिन ४ पीस, बच्चाको राम्रो खाले सुट ६ पीस,साडी १ पीस, बच्चाको टिसर्ट ४ पीस पक्राउ गरेको छ । यस्तै नवरत्न तेल २ प्याकेट,मिठाइ ३ डिब्बा,लेडिज चप्पल २० जोर,निर १ डिब्बा,महेश कटोरी २ माला लगायतका सामान पक्राउ गरेको सशस्त्र प्रहरी बल बियोपी जमुनाहका सूचना अधिकृत प्रहरी नायव निरीक्षक शाहीले बताउनु भयो ।

उक्त सामान जमुनाह विओपी पोष्टमा राखिएको छ । आवश्यक कारबाहीका लागि नेपालगञ्ज भन्सार कार्यालयमा बुझाउने तयारि भैरहेको सशस्त्र प्रहरी बल बियोपी जमुनाहका सूचना अधिकृत प्रहरी नायव निरीक्षक शाहीले जानकारी दिनुभएको छ ।