११ भाद्र २०८३, बिहिबार
Lnp
Ggp
Ksbus
Asbus
Ggp
Rgp
Ksbus
Sdc
Msbus
Sidha Patra बिहिबार, भाद्र ११, २०८३
दाङ । रसुवाको भोटेकोसीमा बुधबार आएको भीषण बाढीबाट प्रभावित परिवारको राहत तथा पुनःस्थापनाका लागि लमही नगरपालिकाले ( जनप्रतिनिधि तथा कर्मचारी ) १० लाख रुपैयाँ आर्थिक सहयोग गर्ने भएको छ ।
बाढीपीडितलाई राहतका लागि नगरपालिकाले १० लाख रुपैयाँ आर्थिक सहयोग गर्ने निर्णय गरिएको लमही नगरपालिकाका प्रमुख प्रशासकीय अधिकृत श्रीधर केसीले गरेको हस्ताक्षरित विज्ञप्तिमा मार्फत जनाइएको हो ।
भोटेकोसी क्षेत्रमा आएको बाढीका कारण ठूलो जनधनको क्षति भएको र प्रभावित परिवारहरु संकटमा परेका बेला स्थानीय सरकारको तर्फबाट मानवीय सहयोगस्वरुप उक्त रकम उपलब्ध गराउन लागिएको नगरपालिकाले जनाएको छ ।
त्यस्तै,नगरपालिकाले विपदको यस कठिन घडीमा प्रभावित परिवारको राहत,उद्धार तथा पुनःस्थापनाका लागि सहयोग आवश्यक रहेको भन्दै अन्य निकाय,संघसंस्था तथा नागरिकलाई मानवीय सहयोगमा जुट्न आग्रह समेत गरेको छ ।
