दाङ । देउखुरीको लमहीमा राष्टिय संगितकर्मि संघले यहि भदौ ११ देखि २२ गते सम्म रमाइलो मेला संचालन गर्ने भएको छ ।

जिल्ला शाखा दांगको आयोजनामा हरेक दिनको बेलुका ४ बजेदेखि राती १० बजेसम्म लमही स्थित सार्वजनिक बगैचामा मेला संचालन गरिने भएको संघले मंगलवार पत्रकार सम्मेलन गरि जानकारी दिएको छ । कूल १२ दिनसम्म संचालन गरिने उक्त रमाइलो मेलालाई झण्डै २५ हजार नागरिकहरुले अबलोकन गर्ने र झण्डै ४० लाख रुपियाँ संकलन हुने आयोजकले अनुमान गरेको पत्रकार सम्मेलनमा जानकारी दिइएको हो ।

मेलामा संकलित भएको रुपियाँबाट प्रत्येक दिन लमही नगरपालिका क्षेत्रभित्रका सरकारी बिद्यालयमा अध्ययनरत बिपन्न,सिमान्तकृत,असहाय र अनाथ वालवालिकाहरुलाई सहयोग गर्ने, जिल्ला भित्रका स्थानीय कलाकारहरुको प्रवर्धन गर्ने,स्थानीय कला संस्कृतिको संरक्षण सम्वर्धन गर्ने, संस्थाको प्रचारप्रसार बढाउने र नागकिहरुलाई मनोरञ्जन प्रदान गर्ने कार्यक्रमको उद्देश्य रहेको संगितकर्मि संघ दांगका अध्यक्ष दिपक बर्माले पत्रकार सम्मेलन मार्फत जानकारी दिएका छन् ।

उक्त मेलामा ख्यातिप्राप्त राष्टिय कलाकारहरु,चर्चित स्थानीय कलाकारहरुको प्रस्तुति रहने र वाल उद्यान,डुंगा,चर्खेपिङ राखिने र थारु,मगर र अवधि भाषका कला संस्कृतिहरुको प्रस्तुति रहन
तथा प्रबेश शुल्कः रु १ सय मात्र रहने आयोजकले जनाएको छ ।