१६ साउन २०८३, शनिबार
Amb
Sdc
ksbus
टेकबहादुर पुन सोमबार, बैशाख २८, २०८३
दाङ । देउखुरीको लमहीमा वडाध्यक्ष कप पुरुष तथा महिला भलिबल प्रतियोगिता सोमबार आजदेखि शुरु भएको छ ।
लमही नगरपालिका ५ नम्बर वडा कार्यालयको आयोजनामा सुरु भएको प्रतियोगिताको लमही नगरप्रमुख जोगराज चौधरीले बिधिवत उद्घाटन गरेका हुन् ।
प्रतियोगितामा पहिलो हुने समुहले ५०/५० हजार र दोस्रो हुने समुहले २५/२५ हजार नगद सहित सिल्ड, मेडल प्रमाणपत्र पाउने छन् । स्वास्थ्यका लागि खेल राष्ट्रका लागि खेल भन्ने नारा सहित खेलको सुरुवात गरिएको हो ।
खेल तीनदिनसम्म चल्ने छ भने रेफ्रीमा प्रमुख खेल प्रशिक्षक रबिन जिसी रहेका छन् । प्रतियोगितामा पुरुषतर्फ देउखुरी भरिका ११ समूह र महिला तर्फ नगर अन्तरगतका ६ समुहले समभागी जनाएको वडाध्यक्ष ओमप्रसाद सुवेदी सागरले बताए ।
