दाङ । देउखुरी पब्लिक अङ्ग्रेजी माध्यमिक विद्यालयले आफ्नो १८ औं वार्षिकोत्सब तथा अभिभावक दिवस कार्यक्रम फाल्गुन ६ गते बुधबार भोलि मनाउने भएको छ ।

देउखुरीको लमही नगरपालिका वडा नम्बर ६ देउपुरमा रहेको विद्यालयले भोलि विविध कार्यक्रमका बीच आफ्नो वार्षिकोत्सब मनाउन लागेको विद्यालयले जनाएको छ । सैधान्तिक ज्ञानसंगै व्यवहारिक ज्ञान प्रदान गर्दै आएको उक्त विद्यालयले आफ्नो १८ वार्षिकोत्सब कार्यक्रम फरक किसिमले मनाउने भएको हो ।

त्यस्तै कार्यक्रमको उद्घाटन एन प्याब्सनका केन्द्रीय अध्यक्ष सो कार्यक्रमका प्रमुख अतिथि सुवास न्यौपानेले गर्ने विद्यालयका प्रधानाध्यापक भू-माण्डप केसीले जानकारी दिए । यस्तै उनले वार्षिकोत्सब कार्यक्रमको सम्पूर्ण तयारी पूरा भएको समेत जानकारी दिए ।

विद्यालयले प्रत्येक वर्ष विभिन्न खेलकुद, सांस्कृतिक तथा अन्य कार्यक्रमको बीच आफ्नो वार्षिकोत्सब मनाउदै आइरहेको छ । भोलि हुने विषेश १८ वार्षिकोत्सब कार्यक्रमका लागि पत्रहरु अतिथिलाई पठाइसकेको र पत्र पठाउन नसकीएको अतिथिहरुलाई फोन मार्फत जानकारी गराइएको हुँदा अतिथिहरु र आम अभिभावकलाई कार्यक्रममा उपस्थितिका लागि प्रधानाध्यापक केसीले अनुरोध गरेका छन् ।