apb

tvs

दाङ । लमही नगरपालिका वडा नम्बर ७ को कर्रिटोलमा पक्कि नाला धमाधम निर्माण भईरहेको छ । नाला निर्माण हुन थालेपछि यस क्षेत्रका स्थानिय खुसी भएका छन् । वडा नम्बर ७ को कुल ८ लाखको बजेटमा दुई साईड गरि १ सय ७८ मिटर लामो पक्कि नाला निर्माण हुन लागेको हो ।

यस्तै नाला नभएर यस क्षेत्रका स्थानिय बासिन्दाले बर्सेनि सास्ती खेप्नु पर्दथ्यो । यस टोलमा नाला नभएर बाटो हिलाम्मे हुने गर्दथ्यो । अबभने नाला निर्माण भएसँगै त्यो सास्तीबाट छुट्कारा मिल्ने स्थानिय भिमसिँह सुनारले बताउनु भएको छ । यिनै समस्यालाई ध्यानमा राखी लमही-७ को वडा कार्यालयले कर्रिटोलमा पक्कि नाला निर्माण गर्न लागेको हो । फागुन १ गतेदेखी शुरु भएको निर्माण कार्य फागुन २० मा सम्पन्न गर्नेगरि धमाधम काम भईरहेको कर्रि जनकपुर टोल बिकाश सँस्थाका सदस्य कृष्ण जिएमले बताउनु भयो ।

त्यस्तै १० मिटर चौडाई बाटो भित्र निर्माण भईरहेको नाला अर्को बर्ष पूरा गर्नेगरी निर्माण शुरु भएको हो ।
अर्को बर्ष पुरै टोल नै लाभाम्बित हुनेगरी नाला निर्माण गरिसक्ने लक्ष्य रहेको वडाध्यक्ष मोहन गिरिले जानकारी दिनु भयो । “अहिले ८ लाखमा जति बन्छ बनाउने हो वडाध्यक्ष गिरिले भने-अर्को बर्ष कर्रिटोलमा पुरै नाला निर्माण गरिसक्ने लक्ष्य लिएको छु, बिस्तारै पिच गर्ने लक्ष्यपनि छ ।” त्यस्तै वडाकै ३ लाख रुपैया बजेटमा भित्रि कप्तानगञ्ज (रालिमाला) टोलमा नयाँ बाटोको ट्रयाक खोल्ने काम केहीदिनमै शुरु हुँदैछ ।