lms

काठमाडौँ । केही समय यता मनसुनको न्यून चापीय रेखा पश्चिममा नेपालको तराई आसपास र पूर्वमा तराइभन्दा केही दक्षिणतिर रहेकोले मनसुन नेपालको पूर्वी भू-भाग भन्दा पश्चिम नेपालतर्फ बढी सक्रिय रहने देखिन्छ ।

देशभर साधारणतया बदली रहेको छ। सुदूरपश्चिम प्रदेशको पहाडी र तराई लगायत बाँकी प्रदेशको पहाडी भू-भागका केही स्थानहरूमा मध्यम वर्षा भइरहेको छ।

त्यस्तै आज बिहानको मापन अनुसार कोशी, नारायणी, बागमती,कर्णाली,महाकाली र यिनका सहायक नदीहरु तथा कन्काई, कमला, पूर्वी राप्ती. पश्चिम राप्ती र बबई नदीको बहाव सतर्कता तह भन्दा तल रहेको बाढी पूर्वानुमान महाशाखाले जानकारी दिएको छ । यस्तै डोटी डडेलधुरा, कैलाली,कञ्चनपुर र आसपासका जिल्ला भई बहने केही स-साना नदीहरुको बहाव उल्लेख्य बढ्ने र आकस्मिक बाढी को मध्यम जोखिमको उच्च सम्भावना रहने पूर्वानुमान छ।

साथै इलाम,झापा,पाँचथर,मोरङ,तेह्रथुम,धनकुटा, ताप्लेजुङ, सङ्खुवासभा,रामेछाप,दोलखा, सिन्धुपाल्चोक, उदयपुर, गोरखा,लमजुङ,कास्की, पर्वत,गुल्मी,पाल्पा, रुपन्देही, कपिलवस्तु, बाग्लुङ, अर्घाखाँची, प्युठान, दाङ, बाँके, बर्दिया, रोल्पा, सल्यान, रुकुम पश्चिम, जाजरकोट, दैलेख, कालिकोट, बाजुरा, बझाङ, दार्चुला, बैतडी र आसपासका जिल्ला भई बहने केही स-साना नदीहरूको बहाव उल्लेख्य बढ्ने र आकस्मिक बाढीको मध्यम जोखिमको मध्यम सम्भावना रहने पूर्वानुमान महाशाखाले जनाएको छ ।