Usb

Ssb

Gsb

Hl1

Tsb

Rgu

ptl

Nps

दाङ । शुक्रबार चलेको हावाहुरीले राप्ती गाउँपालिका वडा नम्बर ७,सिसनियाँका कृषकहरुद्वारा उत्पादित २२ लाखको केरा क्षति भएको छ ।

राप्ती केरा प्रवर्धन कृषक समूहको माध्यमबाट संचालन रहेको १७ कृषक फर्महरुले सिसहनियाँमा उत्पादन गरेको मालभोग केरा हावाहुरीले छेतविक्षेत बनाएको हो । समूहले ४८ बिघामा केरा उत्पादन गरेको थियो । त्यसमध्य २० बिघाको केरा हावाहुरीले क्षति पुर्‍याउँदा २२ लाखको क्षति भएको राप्ती केरा प्रवर्धन कृषक समूहका अध्यक्ष रणप्रसाद सुवेदीले जानकारी दिए ।

त्यस्तै अध्यक्ष सुवेदीका अनुसार समूहद्वारा संचालित निशा कृषि फर्मको १२ लाख र अन्य कृषक फर्महरुको गरी कुल २२ लाखको क्षति भएको हो । यस्तै उक्त क्षतिको विवरण लिएर आज राप्ती गाउँपालिकाको विपद शाखामा पेश गर्न जान लागेको समूहका अध्यक्ष सुवेदीले बताए ।

विगत पाँच वर्षदेखि निरन्तर केरा खेती गर्दै आएको समूहले लमही र तुलसीपुरका बजारमा पुराउँदै आएको थियो । त्यस्तै यो वर्षदेखि बुटवलका बजारसम्म पुराउने योजना रहेको समूहले जनाएको छ ।