दाङ । देउखुरीको गढवामा प्रेस चौतारी नेपाल र नेपाल उद्योग ब्यवसायी महासंघको पालिका स्तरीय संयुक्त सम्मेलन शनिवार सम्पन्न भएको छ ।

नेपाल उद्योग ब्यवसायी महासंघ गढवाका अध्यक्ष कमल खड्काको अध्यक्षता र नेकपा एमालेका केन्द्रिय समितिका पोलिटब्यूरो सदस्य शान्ता चौधरीको प्रमुख आतिथ्यमा एमाले निकट दुई जनवर्गिय संगठनहरुको सम्मेलन भएको हो ।

कार्यक्रममा बोल्दै प्रमुख अतिथी चौधरीले एमाले माथी सामाजिक सञ्जाल र अन्य विभिन्न कोणबाट चौतर्फी घेरावन्दी भैरहेको भन्दै एमालेका सकारात्मक कामहरुको प्रचार प्रसारको अभाव हुन नदिने बताइन् । प्रेस चौतारी नेपालमा आवद्ध पत्रकारहरुले नेकपा एमालेले गरेका सकारात्मक कार्यहरुलाई आम सञ्चार माध्यमहरुमा ल्याउन भूमीका खेल्न उनले आग्रह गरिन् ।

कार्यक्रममा एमालेका केन्द्रिय सदस्य तथा देउखुरी क्षेत्र नम्बर १ का इन्चार्ज साजिदा सिद्दिकी, प्रदेश कमिटी सदस्यहरु सुरामणी बेल्वासे, रामप्रसाद गैरे, लिला बिक, प्रदेश सल्लाहकार मोहन कुमार पाण्डेय, प्रेस चौतारी नेपालका केन्द्रिय सदस्य दुर्गालाल केसी र नेपाल उद्योग ब्यवसायी महासंघ दाङका उपाध्यक्ष खुमानन्द पोख्रेल लगायतले बोलेका थिए ।

सम्मेलनले सनोज कुमार यादवको अध्यक्षतामा ७ सदस्यिय प्रेस चौतारी नेपाल गढवा गाउँपालिका कमिटि सर्वसम्मत चयन गरेको छ । जसको उपाध्यक्षमा शौकद अलि, सचिव माधवी सार्की, कोषाध्यक्ष प्रयास कुमाल र सदस्यहरुमा समिर बिक, मनिषा नेपाली तथा बसीम खान रहेका छन् ।

यसैगरी शेर प्रसाद जैसीको अध्यक्षतामा ९ सदस्यिय नेपाल उद्योग ब्यापार महासंघ गढवाको सर्वम्मत चयन गरिएको छ । जसको उपाध्यक्षमा योगेश घिमिरे। सचिव सागर बस्नेत र सदस्यहरुमा सोम प्रसाद चौधरी,मातसका चौधरी,चेत बहादुर दर्लामी, पासाङ तामाङ,अभिषेक पौडेल तथा सेवक जिसी रहेका छन् । कार्यक्रममा नवनिर्वाति पदाधिकारीहरुलाई बधाई शुभकामना तथा सपथ ग्रहण गराइएको थियो । कार्यक्रमको सञ्चालन भानु यादवले गरेका थिए ।