धनगढी । कैलालीको कैलारी गाउँपालिका वडा नम्बर ७,का वडाध्यक्ष दीपेन्द्र बममाथि कुटपिट भएको घटना सार्वजनिक भएको छ ।

त्यस्तै उनलाई कुटपिट गरेको आरोपमा तीन जना युवाहरु १० दिनदेखि प्रहरीको थुनामा रहेको खुलेको हो ।धनगढी उपमहानगरपालिका–८,कान्तिपुर टोलमा वडाध्यक्ष बम र त्यही बस्ने युवाहरूबिच कुटाकुट भएको घटना सार्वजनिक भएको छ । उनीहरुको बिचमा वैशाख १५ गते राति कुटाकुट भएको थियो ।

जिल्ला प्रहरी कार्यालय कैलालीका प्रहरी नायब उपरीक्षक राजकुमार सिंहले कुटपिटको घटनामा संलग्न रहेको आरोपमा तीन जना नियन्त्रणमा रहेको बताएका छन् । उनले धनगढी उपमहानगरपालिका –८,का २८ वर्षीय सन्तोष चौधरी,कैलारी गाउँपालिका –२,बसौटी घर भइ धनगढी– ८,मा बस्दै आएका २२ वर्षीय अनुराज चौधरी र २७ वर्षीय महेन्द्र चौधरी प्रहरीको थुनामा छन् ।

त्यस्तै उनीहरु विरुद्ध ज्यान मार्ने उद्योग अन्तर्गत मुद्‍दा दर्ता गरिएको छ । प्रहरीले अनुसन्धान जारी रहेको बताएको छ । दिनेशखबरबाट