दाङ । ईलाका प्रहरी कार्यालय गढवामा सरुवा भएर आउनु भएका प्रहरी निरीक्षक डबल बहादुर वमलाई गढवा र राजपुर गाउँपालिका क्षेत्रभित्र हुने अवैध कृयाकलापहरुलाई नियन्त्रण गर्न सकृय रहनुपर्ने कुरामा पत्रकारहरुले सुझाव राखेका छन् ।ईलाका प्रहरी कार्यालय गढवाले सोमवार आयोजना गरेको पत्रकारहरुसंगको परिचयात्मक कार्यक्रममा राप्ती पारीको भूगोलमा हुने अवैध कृयाकलापहरु नियन्त्रण गर्न प्रहरी प्रशासन थप सकृय बन्नुपर्ने बताएका हुन् ।

ईप्रका गढवाको कार्यक्षेत्र गढवा र राजपुरको भूगोलभित्र हुने लागु औषध ओसारपसार र दुब्र्यसनी,भन्सार छली गरेर भारतबाट आयात निर्यात गरिने मालसामानहरुको निगरानी,सिमा क्षेत्रमा शान्ती सु–ब्यवस्था सुदृढ गर्न तथा नदीजन्य र वनपैदावरको चोरी निकासी तथा चोरी तष्करी नियन्त्रण गर्न थप सकृय रहनुपर्ने कार्यक्रममा सहभागी पत्रकारहरुले प्रहरी प्रमुखलाई सुझाएका हुन् ।

त्यस्तै ईप्रका गढवामा हालै सरुवा भै आउनु भएका प्रहरी निरीक्षक डबल बहादुर वमले भारतसंग सिमाना जोडिएका नाकाका वस्तिहरुबाट भन्सार छली गरेर अवैध रुपमा मालसामान ओसारपसार गर्ने कार्य र नदीजन्य तथा वनजन्य पदार्थहरुको चोरी निकासी कडाईका साथ नियन्त्रण गर्न र लागु औषध दुब्र्यसनि नियन्त्रण गर्न आफू सकृय भएर लागिपर्ने बताएका छन् । प्रहरीलाई आम नागरिक तवरबाट सहि सुचना उपलब्ध भएमा अबैध कृयाकलापहरु नियन्त्रण गर्न सहज हुने र अपराध न्यूननीकरणमा सहयोग हुने उनले बताए ।

ईप्रका गढवामा २८ औं प्रहरी प्रमुख कालिका कार्कीले बिभागीय नियमानुसार कार्यकाल पुरा गरेर विदा भएकि छिन् भने २९ औं कार्यकालका लागि प्रहरी निरीक्षक डबलबहादुर वम आएका हुन् । यस अघि रञ्जु केसी,नविन केसी र कालिका कार्की गरी ३ जना महिला प्रहरी प्रमुख भएर ईपका गढवामा आएको र उनिहरु सबैको कार्यकाल रचनात्मक र प्रशंसनिय रहेको कार्यक्रमका सहभागिहरुको भनाइ रहेको छ ।

त्यस्तै ईप्रका गढवाको कार्यक्षेत्र गढवा र राजपुर दुई गाउँपालिकाका १५ वटा वडाहरु र ३४ बढी नेपाल भारत सिमासंग जोडीएका नाकाहरु रहेकोले सुरक्षा सतर्कतामा निकै चुनौति रहेको र यसअघिका प्रहरी प्रमुखले यस क्षेत्रमा अपराध नियन्त्रण र शान्ती सुरक्षा तथा अमन चैन कायम गरि सफल नेतृत्व गर्न सक्षम भएको कार्यक्रममा बताइएको थियो ।

कार्यक्रममा सहभागी पत्रकारहरुले सहज तरिकाले प्रहरीले सञ्चारमाध्यमहरुलाई सूचना उपलब्ध गराउनुपर्ने विषयमा माग गरेका छन् । विद्यालय तहमा ट्राफिक सचेतनाका कार्यक्रम सञ्चालन गरि दुर्घटना तथा लागु औषधको दुब्र्यसनी नियन्त्रण गर्न पत्रकारहरुले प्रहरी प्रमुखलाई अनुरोध गरेका छन् । अपराध न्यूनीकरणको क्रममा राजनितिक दवाव र प्रभावमा समेत नपर्न प्रहरी प्रमुख बमलाई पत्रकारहरुले आग्रह गरेका थिए ।