काठमाडौँ । जिल्ला अदालत काठमाडौंले तीनकुटने घटनाको अनुसन्धानका लागि रवीन्द्र मिश्र र दुर्गा प्रसाईँसहित २५ जनालाई थप ५ दिन हिरासतमा राख्न अनुमति दिएको छ ।

काठमाडौँ जिल्ला अदालतका न्यायाधीश महेन्द्रबहादुर कार्कीको इजलासले यो आदेश गरेको हो । राप्रपाका वरिष्ठ उपाध्यक्ष रवीन्द्र मिश्र घटना भएकै दिन चैत १५ गते पक्राउ परेका थिए । दुर्गा प्रसाई भने त्यसको एक महिनापछि वैशाख १५ गते मात्र पक्राउ परेका थिए ।

त्यस्तै उनी तीनकुनेमा राजा फर्काउने भनेर गरिएको प्रदर्शनका ‘जनकमान्डर’ तोकिएका थिए । उनले प्रहरीमाथि नै गाडी चलाउन खोजेका थिए । मिश्र पनि उक्त कार्यक्रममा पुगेर भिडलाई उकास्ने काम गरेको भिडिओमा देखिएको थियो । दुर्गा,रवीन्द्र र धवलले भीड उक्साए,अनि भड्कियो तीनकुनेमा दंगा (भिडिओ) उक्त समूहले विध्वंस मच्चाउँदा २ जनाको ज्यान गएको थियो भने धेरै घर,प्रतिष्ठान,सवारी साधनलगायत सम्पत्ति तोडफोड र आगजनी गरेको थियो।

यस्तै उक्त घटनामा पक्राउ परेकामध्ये ८५ जना हिरासतमा छन् । ६१ जनामाथि आपराधिक उपद्रवको कसुरमा अनुसन्धान चलिरहेको छ । दुर्गा प्रसाई,रवीन्द्र मिश्रलगायत दुई दर्जनमाथि राज्य विरुद्धको कसुरमा मुद्दा पनि चलाउने तयारी छ ।