२८ चैत्र २०८२, शनिबार
Csbg-7
jsbr-3
Jsbg-7
Gsbg-3
Pbu
Rksr-7
Gsbr-6
Usbl-7
Msbg-2
ksbl-7
Sidha Patra बिहिबार, चैत्र २१, २०८१
काठमाडौँ । ‘मिनी संसद’का नामले पनि परिचित सङ्घीय संसदअन्तर्गतका विभिन्न समितिका बैठक आज बस्दै छन् ।
संसद सचिवालयका अनुसार कानुन,न्याय तथा मानव अधिकार समिति,कृषि,सहकारी तथा प्राकृतिक स्रोत समिति,महिला तथा सामाजिक मामिला समिति,शिक्षा, स्वास्थ्य तथा सूचना प्रविधि समिति र विकास र आर्थिक मामिला तथा सुशासन समितिका बैठक बिहान ११ः०० बजे हुँदै छन् ।
त्यसैगरी,राज्यका निर्देशक सिद्धान्त,नीति र दायित्वको कार्यान्वयन अनुगमन तथा मूल्याङ्कन समितिको बैठक भने बिहान ११ः३० बजे हुने भएको छ । शिक्षा समितिको बैठकमा दशौँ राष्ट्रिय खेलकुद प्रतियोगिताको तयारीका सम्बन्धमा युवा तथा खेलकुद मन्त्रालयसँग सम्बन्धित विषयमा छलफल हुने कार्यसूची छ ।
यस्तै विकास समितिमा ‘नेपाल अतिकम विकसित राष्ट्रबाट विकासशील राष्ट्रमा स्तरोन्नति हुने’ विषयमा गैरसरकारी सङ्घसंस्था,नागरिक समाजलगायत सरोकार भएकाहरुसँग छलफल हुने छ ।
